Mamata Banerjee News : पश्चिम बंगालच्या मुख्यमंत्री ममता बॅनर्जींच्या निवासस्थानाजवळ संशयिताला अटक, आरोपीकडून बंदुक जप्त

पश्चिम बंगालच्या मुख्यमंत्री ममता बॅनर्जी यांच्या निवासस्थानाजवळ एका संशयित व्यक्तीला पोलिसांनी अटक केली आहे. कोलकाता पोलीस आयुक्तांनी सांगितले की पोलीस एसटीएफ आणि विशेष शाखा स्थानिक पोलीस ठाण्यात त्याची चौकशी आणि चौकशी करत आहेत.

कोलकाता:पश्चिम बंगालच्या मुख्यमंत्री ममता बॅनर्जी यांच्या सुरक्षेतील त्रुटी समोर आली आहे. पश्चिम बंगाल पोलिसांनी मुख्यमंत्री ममता बॅनर्जी यांच्या निवासस्थानाजवळ एका संशयित व्यक्तीला अटक केली आहे. पोलिसांनी त्याच्याकडून बंदुक, चाकू जप्त केले आहेत. शिवाय या व्यक्तीकडे अनेक ओळखपत्रे सापडली आहेत. कोलकाता पोलीस आयुक्त विनीत गोयल यांनी सांगितले की, संशयिताचे नाव शेख नूर आलम,असे आहे. संशयिताला अटक केल्यानंतर पोलिसांनी त्याला कालीघाट पोलीस ठाण्यात नेले आहे. संशयित वाहनाच्या मालकाची ओळख पटली असल्याचे पोलिसांनी सांगितले. या घटनेनंतर मुख्यमंत्र्यांच्या निवासस्थानाची सुरक्षा वाढवण्यात आली आहे.

पोलिसांची माहिती : आयुक्त विनीत गोयल यांनी सांगितले की, शेख नूर आलम हा पोलिसांचे स्टिकर लावलेल्या कारमधून प्रवास करत होता. दरम्यान त्याला अटक करण्यात आली असून पोलीस, एसटीएफ आणि विशेष शाखेकडून स्थानिक पोलीस ठाण्यात त्याची चौकशी केली जात आहे.पोलिसांनी या व्यक्तीकडून एक बंदूक, चाकू आणि ड्रग्ज जप्त केले आल्याचे गोयल यांनी सांगितले. पोलिसांनी त्याला मुख्यमंत्र्यांच्या निवासस्थानाबाहेर तुम्ही काय करत होता असा प्रश्न केला. आरोपी त्याचे समाधानकारक उत्तर देऊ शकला नाही. त्याने उत्तरात सांगितले की, मला मुख्यमंत्री ममता बॅनर्जी यांना भेटायचे आहे. ममता बॅनर्जी यांच्या नेतृत्वाखालील तृणमूल काँग्रेस शहरात आपला 'शहीद दिन' रॅली साजरा केला जात आहे. बॅनर्जींचे भाषण ऐकण्यासाठी जिल्ह्यांतील आणि दूरवरच्या खेड्यापाड्यातील कार्यकर्ते मोठ्या संख्येने जमले होते. तेथे ही घटना घडली आहे. दरम्यान पश्चिम बंगालच्या मुख्यमंत्र्यांनी कार्यक्रमापूर्वी एका व्हिडिओ संदेशात सांगितले की 21 जुलै शहीद दिन रॅली आमच्यासाठी एक विशेष दिवस आहे. हा दिवस आम्ही आमच्या शहीदांना आणि कार्यकर्त्यांना समर्पित करत आहोत.

हेही वाचा -