नवी दिल्ली- पंतप्रधान नरेंद्र मोदी यांनी येत्या 3 जानेवारीपासून 15 ते 18 वयोगटातील मुला-मुलींसाठी लसीकरणास सुरूवात करण्याची घोषणा केली आहे. ते आज ( दि. 25 डिसेंबर) देशाच्या जनतेशी संवाद साधत होते. फ्रंटलाईन वर्कर्सना ( Booster Dose for Frontline Workers ) व आरोग्य क्रमचारी ( Booster Dose for Health Workers ) बूस्टर डोस 10 जानेवारीपासून सुरू करणार असल्याचेही पंतप्रधान मोदी ( PM Narendra Modi ) म्हणाले.
140 कोटीपेक्षा अधिक जणांचे लसीकरण पूर्ण
नरेंद्र मोदी म्हणाले, देशात नव्या संकटाचा सामना करण्यासाठी देशात 18 लाख आइसोलेशन बेड ( Isolation Beds ) 1 लाख 40 आयसीयू बेडची ( ICU Beds ) व्यवस्था करण्यात आली आहे. 90 हजार बेड्स विशेषतः लहानग्यांसाठी असणार आहेत. देशात या वर्षी 16 जनवरीपासून सुरुवात झाली होती. सध्या 140 कोटीपेक्षा अधिक जणांचे लसीकरण पूर्ण झाले. त्यापैकी 61 टक्के जणांनी दोन डोस घेतले आहे. 90 टक्के नागरिकांनी एक लस घेतली आहे. आता 60 वर्षांवरील पण गंभीर आजार असलेल्या नागरिकांना वैद्यकीय सल्ल्यानुसार लस ( Covid Vaccination ) देण्यात येणार आहे.