श्रद्धा वालकर हत्याकांड प्रकरणामुळे देशभरात संताप व्याक्त करण्यात येत आहे. श्रद्धा हत्याकांडाप्रकरणी दररोज नवनवे खुलासे होत आहेत. आरोपी अफताब पोलिसांना तपासात सहकार्य करत नव्हता. त्यामुळे तपास करताना पोलिसांना अडचणींचा समाना करावा लागत होता. त्यामुळे दिल्ली पोलिसांनी या प्रकरणाचा गुंता सोडवण्यासाठी आफताबची नार्को टेस्ट करण्याची परवानगी मागितली आणि ती कोर्टाने मान्य केली. नार्को टेस्टमध्ये अफताबची क्रूरता आणि सत्य समोर आले. पण नार्को टेस्ट म्हणजे काय? (What is Narco Test) ही टेस्ट कशी केली जाते? यावेळी खबरदारी काय घ्यावी (How is it done) लागते? या टेस्टमुळे जीवाला धोका (What is called truth drug) असतो का? या सगळ्या प्रश्नांची उत्तरं (Utility News) जाणून घेऊयात...
नार्को टेस्ट म्हणजे काय?(What is Narco Test) : एखादा आरोपी तपासात सहकार्य करत नसेल तर पोलिसांकडून न्यायालयाकडे नार्को टेस्ट करण्याची परवानगी मागितली जाते. आरोपींकडून सत्य जाणून घेण्यासाठी नार्को टेस्ट केली जाते. ही चाचणी फॉरेन्सिक तज्ञ, तपास अधिकारी, डॉक्टर आणि मानसशास्त्रज्ञ इत्यादींच्या उपस्थितीत केली जाते. या चाचणीत आरोपीला काही औषधे दिली जातात, ज्यामुळे त्याचे जागृत मन सुस्त अवस्थेत जातं. त्यामुळे आरोपीच्या कानावर पडणाऱ्या गोष्टींविषयी विचार करुन उत्तर देण्याचे त्याचे कौशल्य कमी होते. काही प्रकरणांमध्ये आरोपी बेशुद्धावस्थेत जातो, तेव्हा सत्य जाणून घेता येत नाही. परंतु नार्को टेस्टमध्ये आरोपी प्रत्येक वेळी सत्य सांगेल आणि प्रकरण सोडवले जाईल असे होत नाही. बर्‍याच वेळा आरोपी अधिक हुशार असतात आणि चाचणी करणाऱ्या तपास टीमला देखील चकमा देतात.