नवी दिल्ली - युक्रेनमधील युद्धासाठी अमेरिका रशियावर सातत्याने आरोप करत आहे. दरम्यान, अशा कारवायांमुळे अमेरिकेने रशियावर अनेक निर्बंधही लादले आहेत. आता अमेरिकेचे राष्ट्राध्यक्ष जो बायडेन यांनी युक्रेनमधील नरसंहारासाठी रशियाचे अध्यक्ष व्लादिमीर पुतिन यांना जबाबदार धरले आहे. अमेरिकेचे राष्ट्राध्यक्ष जो बायडेन यांनी जोरदार हमला केला आहे. ते म्हणतात रशियाचे युद्ध हे एक 'नरसंहार' आहे. होय मी याला नरसंहारच म्हणतो असे म्हणत त्यांनी पुतिन यांना युक्रेन आहे ही संकल्पनाच संपवायची आहे असा गंभीर आरोपही केला आहे.
अमेरिकेचे राष्ट्राध्यक्ष जो बायडेन यांचा पुतीन यांच्यावर आरोप -रशिया-युक्रेन संकटाला नरसंहार घोषीत करण्यासाठी पुरेसे पुरावे आहेत का? असे विचारले असता, बायडेन म्हणाले, 'हे स्पष्ट झाले आहे की व्लादिमीर पुतिन हे युक्रेनियन असण्याची कल्पना खोडून काढण्याचा प्रयत्न करीत आहेत. आणि ते असे प्रयत्न करत आहेत त्याला पुरावो आहेतच परंतु, या पुराव्यांमध्ये दिवसेंदिवस वाढ होत आहे. दरम्यान, लोकांचे मृत्यू, नुकसान, या सगळ्या बाबी लक्षात घेतल्या तर गेल्या आठवड्यापेक्षा सध्याची परिस्थिती वेगळी आहे असही ते यावेली म्हणाले आहेत.