Giriraj Singh On Nathuram Godse : 'नथुराम गोडसे भारताचा सुपुत्र', गिरीराज सिंह बरळले

केंद्रीय मंत्री गिरीराज सिंह यांनी नथुराम गोडसेला 'भारताचा सुपुत्र' म्हटले आहे. असदुद्दीन ओवेसी यांच्या गोडसेवरील वक्तव्याला उत्तर देताना त्यांनी हे वक्तव्य केले आहे.

दंतेवाडा (छत्तीसगड) : केंद्रीय मंत्री गिरीराज सिंह यांनी शुक्रवारी एक वादग्रस्त वक्तव्य केले. त्यांनी महात्मा गांधींचा खुनी नथुराम गोडसे याला 'भारताचा सुपुत्र' म्हटले आहे. गिरीराज सिंह म्हणाले की, महात्मा गांधींचा मारेकरी हा मुघल शासक बाबर किंवा औरंगजेबसारखा आक्रमक नव्हता. त्याचा जन्म भारतात झाला होता. गिरीराज सिंह म्हणाले की, जे स्वत:ला बाबर आणि औरंगजेबची मुले म्हणवून घेण्यात धन्यता मानतात ते भारतमातेचे खरे पुत्र होऊ शकत नाहीत.

ओवेसींवर जोरदार हल्ला :एआयएमआयएमचे प्रमुख असदुद्दीन ओवेसी यांच्या गोडसेवरील वक्तव्याबाबत त्यांना विचारले असता त्यांनी हे वक्तव्य केले. गिरीराज सिंह म्हणाले की, 'गोडसे हा गांधींचा मारेकरी होता. पण तो भारताचा सुपुत्र होता. तो भारतात जन्माला आला होता. तो बाबर आणि औरंगजेबासारखा आक्रमक नव्हता.'राज्यातील काही शहरांमध्ये नुकत्याच झालेल्या हिंसाचाराचा संदर्भ देत फडणवीस बुधवारी म्हणाले होते की, राज्यात औरंगजेबाची एवढी मुले अचानक जन्माला कशी आली. ज्यावर, गोडसेचा मुलगा कोण, असे उत्तर ओवेसींनी दिले होते. या मुद्द्यावर केंद्रीय मंत्री गिरीराज सिंह यांनी हे वक्तव्य केले आहे.

बघेल सरकारवर धर्मांतराचा आरोप : गिरीराज सिंह यांनी छत्तीसगडचे मुख्यमंत्री भूपेशसिंह बघेल आणि काँग्रेस सरकारवर छत्तीसगडमध्ये दहशत पसरवल्याचा आणि धर्मांतराचा आरोप केला आहे. गिरीराज सिंह म्हणाले की, 'राज्यात एका षड्यंत्राचा भाग म्हणून आदिवासी आणि बिगर आदिवासींचे धर्मांतर केले जात आहे. राज्यात भाजपची सत्ता आल्यावर धर्मांतरांविरोधात कठोर कायदा करण्यात येईल. 'ते म्हणाले की, महात्मा गांधी राष्ट्रीय ग्रामीण रोजगार हमी कायदा अंतर्गत छत्तीसगडला दिलेल्या निधीचा राज्य सरकारने गैरव्यवहार केला आहे. जो कोणी मनरेगाच्या निधीचा गैरवापर करत असेल त्याला चौकशीला सामोरे जावे लागेल आणि शिक्षा होईल, मग तो मुख्यमंत्री असो वा इतर.', असे ते यावेळी म्हणाले.

गिरीराज सिंह छत्तीसगड दौऱ्यावर : केंद्रीय मंत्री गिरीराज सिंह दोन दिवसांच्या बस्तर दौऱ्यावर आहेत. त्यांनी येथे अनेक निवडणूक सभा आणि कार्यकर्त्यांच्या बैठका घेतल्या आहेत. याशिवाय त्यांनी बस्तारिया फूडचाही आस्वाद घेतला. त्यांनी येथे दोन्ही तेंदूपत्त्यांमध्ये भोजन केले व चपडाच्या चटणीचीही चव चाखली.

हेही वाचा :