पश्चिम चंपारण ( बिहार ) : बिहारच्या पश्चिम चंपारण जिल्ह्यातील बेतिया येथे आठ वर्षांच्या मुलीच्या छातीत दोन रुपयांचे नाणे अडकले ( Two Rupee Coin stuck in Girl Chest ) आहे. ते काढण्यासाठी कुटुंबीय घरोघरी भटकत आहेत. डॉक्टरांनी नाणे काढण्यासाठी ऑपरेशन करण्याचा सल्ला दिला आहे. परंतु कुटुंबाची आर्थिक परिस्थिती अशी नाही की, त्यांना ऑपरेशन करणे परवडेल. मुलीच्या बालपणीची चूक कुटुंबासाठी अडचणीचे कारण बनली आहे.
4 वर्षांपूर्वी गिळले होते नाणे : वास्तविक, बेतिया येथील नरकटियागंज येथील नोनिया टोला येथील रहिवासी राजकुमार साह यांच्या 8 वर्षांच्या मुलीच्या छातीत हे नाणे अडकले आहे. मुलीने 4 वर्षांपूर्वी 2 रुपयांचे नाणे गिळले होते. सुषमा कुमारी असे या चिमुरडीचे नाव आहे. टॉयलेटमधून नाणे बाहेर पडेल, असे वाटले होते, मात्र तसे झाले नाही, असे नातेवाईकांचे म्हणणे आहे.
छोट्या मुलीच्या छातीत अडकले दोन रुपयांचे नाणे. एक्स-रे अहवालातून उघड :मुलीच्या सततच्या आजारपणामुळे कुटुंबीयांनी तिला डॉक्टरांना दाखवले. डॉक्टरांनी मुलीच्या छातीचा एक्स-रे काढला. एक्स-रे रिपोर्ट आल्यानंतर सगळेच चक्रावून गेले कारण चार वर्षांनंतरही ते नाणे मुलीच्या छातीत अडकल्याचे अहवालातून स्पष्ट झाले आहे. रिपोर्ट पाहिल्यानंतर डॉक्टरांनी ऑपरेशन करण्याचा सल्ला दिला आहे.
उपचारासाठी मदतीची विनंती : कुटुंबाची आर्थिक परिस्थिती बेताची असल्याने आतापर्यंत मुलीचे ऑपरेशन झालेले नाही. कुटुंबीयांकडून लोकांना विनंती केली जात आहे की, त्यांनी मदत करावी आणि ऑपरेशन करावे. मुलीच्या उपचारासाठी कुटुंबीय इकडे तिकडे भटकत आहे. मुलीच्या बालपणीची चूक घरातील सदस्यांसाठी त्रासाचे कारण बनली आहे. मुलीच्या छातीतून नाणे कसे बाहेर येणार आणि ऑपरेशन कसे होणार, या एकाच संकटात कुटुंब आहे. मुलीची प्रकृती सतत खालावत चालली आहे.
हेही वाचा : Maharashtrian Family Suicide : महाराष्ट्रीयन कुटुंबाची भुवनेश्वरमध्ये गळफास घेत आत्महत्या
