श्रीनगर: जम्मू आणि काश्मीर पोलिसांनी रविवारी सांगितले की, काश्मीरमधील कुलगाम जिल्ह्यातील देवसर भागात झालेल्या चकमकीत ( Kulgam Encounter ) लष्कर-ए-तोयबाचे दोन अतिरेकी मारले ( Two LeT militants killed ) गेले. "दोन्ही अडकलेले अतिरेकी ठार झाले. शस्त्रास्त्रे आणि दारूगोळा यासह दहशतवादी कारवायांसाठी वापरण्यात येणारे साहित्य जप्त करण्यात आले आहे," असे काश्मीर पोलिसांनी त्यांच्या अधिकृत हँडलवरून ट्विट केले.
पोलिसांनी सांगितले की, परदेशी असलेल्या हैदरसह दोन अतिरेकी हे एलईटी या दहशतवादी संघटनेचे होते. यापूर्वी, पोलिसांनी सांगितले की, अतिरेक्यांच्या उपस्थितीची विशिष्ट माहिती मिळाल्यानंतर देवसरच्या चेयान भागात पोलीस, लष्कराच्या 9 आरआर आणि सीआरपीएफसह सुरक्षा दलांनी ही कारवाई सुरू केली.