नवी दिल्ली/नोएडा : आखाती देशांमध्ये नोकरी ( Gulf countries Job) मिळवून देण्याच्या नावाखाली मध्यमवर्गीयांना बनावट पासपोर्ट, व्हिसा, विमान तिकीट देणाऱ्यांना पोलिसांनी बेड्या ठोकल्या आहेत. ( Fraud of giving jobs in Gulf countries ) नोएडा पोलीस ठाणे सेक्टर 20 च्या ( Sector 20 of Noida ) पोलिसांनी टोळीचा सूत्रधार सुधीर सिंगच्या ( Noida Police busts an inter-state gang ) मुसक्या आवळल्या आहेत.
लाखोंचा मुद्देमाल जप्त - सुधीर हा सिवान जिल्ह्यातील महाराजगंज पोलीस ठाण्याअंतर्गत येणाऱ्या देवरियाचा रहिवासी आहे. सेक्टर-२७ मधील श्रीजी पॅलेसच्या पहिल्या मजल्यावरील बेकायदेशीरपणे सुरू असलेल्या कार्यालयातून दोघांना अटक करण्यात आली. त्यांच्या ताब्यातून 80 पासपोर्ट, 22 बनावट आधार कार्ड, 1 प्रिंटर, 3 मोबाईल फोन, 1 डेस्कटॉप, 1 सीपीयू, 1 लॅपटॉप, 1 कीबोर्ड असा 4 लाख 24 हजार रुपयांचा मुद्देमाल जप्त करण्यात आला आहे.
नोकरी मिळवून देण्याच्या नावाखाली फसवणूक -9 ऑक्टोबर 2022 रोजी उत्तर प्रदेशातील देवरिया येथील रहिवासी अंकुर कुमार सिंह याच्यासह 15 जणांनी पोलिस ठाण्यात इराकमध्ये नोकरी मिळवून देण्याच्या नावाखाली फसवणूक केल्याची तक्रार दाखल केली होती. बनावट व्हिसा, विमान तिकिटे तयार करून आरोपींनी 65 हजार ते एक लाख रुपयांपर्यंतची कमाल रक्कम हडप केल्याचे सांगण्यात आले. त्याआधारे पोलिस ठाण्यात विविध कलमान्वये गुन्हा दाखल करण्यात आला होता.
पोलिसांनी आवळ्या आंतराज्य टोळीच्या मुसक्या तीन वर्षांपासून फसवणूक : सुधीर पदवीधर असून हमीद इंटरमिजिएट पास आहे. सुधीर याआधी प्लंबरच्या कामासाठी दुबईला गेला होता. पण कोविडच्या काळात लॉकडाऊनमुळे तो परत आला. त्यानंतर त्याने काही काळ हल्दीराम कंपनीत काम केले. सुधीर आणि हमीद हे फसवणुकीचे काम सुमारे ३ वर्षे करत होते. सेक्टर 27 त्यापूर्वी दिल्ली आणि गाझियाबाद भागात कार्यालये उघडून तो सुमारे 4 महिने काम करत होता. चौकशीत आतापर्यंत सुमारे 600-700 जणांची फसवणूक केल्याचे प्रकरण समोर आले आहे.
नोएडा सेक्टर 27 मध्येही कार्यालय होते : सुधीर आणि हमीद याआधी भारत सरकारची नोंदणीकृत कंपनी, आर.के. इंटरनॅशनल आणि डायनॅमिकमध्ये नोकऱ्या मिळवण्यासाठी अर्जदारांना घेऊन जायचे. जिथे ते अर्जदारांकडून कमिशन घेत असत. या अनुभवाचा उपयोग या गुन्हेगारांनी अर्जदारांची फसवणूक करण्यासाठी त्यांनी केला. या टोळीतील गुन्हेगारांनी 4 महिन्यांपूर्वी सेक्टर 27 मध्ये उघडलेल्या कार्यालयातून आतापर्यंत सुमारे 75 ते 80 जणांना परदेशात नोकरी मिळवून देण्याच्या नावाखाली पैसे हडप केले आहेत. महाराष्ट्रात अंबे एंटरप्रायझेस नावाची मोठी नोंदणीकृत कंपनी असल्याने या गुन्हेगारांनी आपल्या बनावट कंपनीचे नाव अंबा एंटरप्रायजेस असे ठेवले. गुन्हेगारांनी त्यांच्या बनावट कंपनीचा नोंदणी क्रमांकही महाराष्ट्रातील कंपनीचा लिहिला आहे.
महेंद्र मुखिया यांच्या बँक खात्याचा वापर : बनावट आधारकार्ड दाखवून ते अर्जदारांना पटवून देत होते की, आम्ही इतक्या लोकांना नोकरीसाठी पाठवले आहे. त्यांच्या कार्यालयात ही बनावट आधारकार्ड तयार करण्यात आली होती. त्यांनी महेंद्र मुखिया (मयत) यांच्या नावाचा वापर पैसे देवाण- घेवाणीसाठी केला होता. फसवणूक करून बँक खात्यात जमा केलेल्या पैशांपैकी 5 महिन्यांत 3 खात्यांमधून सुमारे 60 लाख रुपये डेबिट झाले आहेत.
"आरोपींनी आपली ओळख लपवून अंबा एंटरप्रायझेस नावाची बनावट कंपनी सुरु केली होती. त्यानंतर फेसबुकवर GULF COURSE या नावाने बनावट खाती तयार करून आखाती देशांमध्ये प्रामुख्याने इराक, दुबई, बहरीनमध्ये नोकरी मिळवून देण्याचे अश्वासन त्यांनी तरुणांना दिले होते. ही जाहिरात पाहून तरुण नोकरीसाठी जाहिरातीत दिलेल्या मोबाईल क्रमांकावरून टोळीतील सदस्यांशी संपर्क साधत. त्यानंतर ही टोळी लोकांना कार्यालयात बोलावून आखाती देशांमध्ये नोकऱ्या मिळवून देण्याचे अश्वासन देत असत. हे गुन्हेगार अर्जदारांकडून त्यांचे पासपोर्ट काढून बनावट व्हिसा, बनावट विमान तिकीट तयार करायचे. हे गुन्हेगार अर्जदारांकडून प्रति व्यक्ती सुमारे ६५ हजार ते एक लाख रुपये त्यांच्या खात्यात ट्रान्सफर करायचे करण्यास सांगत असे.
- आशुतोष द्विवेदी, एडीसीपी, नोएडा
