Top News Today : एका क्लिकवर वाचा, दिवसभरातील आजच्या महत्त्वाच्या घडामोडी

आजच्या दिवसभरातील महत्त्वाच्या घडामोडींचा थोडक्यात आढावा (Top News Today) घेवू. देशभरासह राज्यातील महत्त्वाच्या (Read Important top news) बातम्या वाचा.

मुंबई :आजच्या दिवसभरातीलमहत्त्वाच्या घडामोडींचाथोडक्यात आढावा (Top News Today) वाचा. भारतीय नौदलाची नौदल कमांडर्स परिषद, पंतप्रधानांचा गुजरात दौऱ्याचा दुसरा दिवस, गोदावरी सिनेमाच्या ट्रेलर लॉंचिंगला उपमुख्यमंत्री राहणार उपस्थित, किशोरी पेडणेकर आज चौकशीसाठी हजर राहणार, इंदिरा गांधी यांची पुण्यतिथी, गुजरातच्या निवडणुकीसाठी महाराष्ट्रातून भाजपा नेत्यांची टीम गुजरातला, केजरीवाल यांचा हरियाणामध्ये रोड शो, अमित शहा आज दिल्लीत चार कार्यक्रमांना उपस्थित राहणार, हिमाचल प्रदेशमध्ये प्रियांका गांधी यांची जाहीर सभा या घटना दिवसभरात महत्त्वाच्या असणार आहेत.

आजपासून भारतीय नौदलाची नौदल कमांडर्स परिषद (Council of Naval Commanders of Indian Navy) : आजपासून भारतीय नौदलाची नौदल कमांडर्स परिषद सुरू होत आहे. हिंदी महासागरात चीनच्या वाढत्या प्रभावाच्या पार्श्वभूमीवर भारतीय नौदलाची चार दिवसीय नौदल कमांडर्स परिषद आहे.

पंतप्रधानांचा गुजरात दौऱ्याचा दुसरा दिवस (PM Modi Gujarat visit) : पंतप्रधान नरेंद्र मोदी हे गुजरात दौऱ्यावर आहेत. आज त्यांच्या दौऱ्याचा दुसरा दिवस आहे. ते केवडिया येथे आयोजित राष्ट्रीय एकात्मता दिन सोहळ्यात सहभागी होणार.

गोदावरी सिनेमाच्या ट्रेलर लॉंचिंगला उपमुख्यमंत्री राहणार उपस्थित (Devendra Fadnavis will attend Godavari movie trailer launch) : मुंबई- गोदावरी सिनेमाच्या ट्रेलर लॉंचिंगला उपमुख्यमंत्री देवेंद्र फडणवीस उपस्थित राहणार आहेत. यशवंतराव चव्हाण सेंटर, सकाळी 11 वाजता हा कार्यक्रम सुरु होणार आहे.

किशोरी पेडणेकर आज चौकशीसाठी हजर राहणार (Kishori Pednekar SRA scam) : एसआरएच्या कथित घोटाळ्या प्रकरणी मुंबईच्या माजी महापौर किशोरी पेडणेकर दादर पोलिस स्थानकात चौकशीसाठी हजर राहणार आहेत.

इंदिरा गांधी यांची पुण्यतिथी (Death anniversary of Indira Gandhi) : आजइंदिरा गांधी यांची पुण्यतिथी आहे. त्यानिमित्तानेकाँग्रेस पक्षाने एका कार्यक्रमाचे आयोजन केले आहे. पक्षाचे अध्यक्ष मल्लिकार्जुन खर्गे आणि माजी अध्यक्षा सोनिया गांधी या कार्यक्रमाला उपस्थित राहणार आहे.

गुजरातच्या निवडणुकीसाठी महाराष्ट्रातून भाजपा नेत्यांची टीम गुजरातला (Gujarat elections) : गुजरातच्या निवडणुकीसाठी महाराष्ट्रातून आमदार योगेश सागर यांच्या नेतृत्वात राज्यातील भाजपा नेत्यांची टीम गुजरातला जाणार आहे. या टीममध्ये 12 आमदार आणि पदाधिकारी अशा एकूण 50 जणांचा समावेश आहे, अशाी माहिती मिळत आहे.

केजरीवाल यांचा हरियाणामध्ये रोड शो (Kejriwal road show in Haryana) : आज आम आदमी पक्षाचे राष्ट्रीय अध्यक्ष केजरीवाल यांचा हरियाणामध्ये रोड शो आहे. ते दुपारी 3 वाजता हरियाणातील बालसमंद, आदमपूर येथे रोड शो करणार आहेत. आदमपूर पोटनिवडणूक 3 नोव्हेंबरला होणार आहे.

अमित शहा आज दिल्लीत चार कार्यक्रमांना उपस्थित राहणार (Amit Shah attended four events in Delhi today) : सरदार वल्लभभाई पटेल यांच्या जयंतीनिमित्त केंद्रीय गृहमंत्री अमित शहा आज दिल्लीत चार कार्यक्रमांना उपस्थित राहणार आहेत. ते आज सकाळी 7 वाजता पटेल चौकात सरदार वल्लभभाई पटेल यांना श्रद्धांजली अर्पण करणार आहेत.

आजहिमाचल प्रदेशमध्ये प्रियांका गांधी यांची जाहीर सभा (Priyanka Gandhi public meeting in Himachal Pradesh) : आज हिमाचल प्रदेशमध्ये काँग्रेस सरचिटणीस प्रियांका गांधी जाहीर सभा घेणार आहेत. त्या आज दुपारी हिमाचल प्रदेशातील मंडी येथे जाहीर सभेला संबोधित करणार आहेत.