लखनऊ - उत्तर प्रदेशातील जौनपूर येथे रस्ते अपघातात तीन नागरिकांचा मृत्यू झाला. तर तीन जण गंभीर जखमी झाले आहेत. वाराणसीहून जबलपूरला जात असताना एका बसने चारचाकीला धडक दिली. या जीपमध्ये सहा प्रवासी होते. गाडीतील तिघांचा गंभीर जखमी झाल्याने जागेवरच मृत्यू झाला.
बस चालक अपघातानंतर फरार
जखमींना अपघात स्थळापासून जवळ असलेल्या रुग्णालयात तत्काळ दाखल करण्यात आले. अपघात झाल्यानंतर बसचा चालक फरार झाला आहे. जखमींना पुढील उपचारासाठी नंतर वाराणसीला हलवण्यात आले आहे. जौनपूर वाराणसी- महामार्गावर हा अपघात झाल्याचे अतिरिक्त पोलीस अधिक्षक संजय कुमार यांनी सांगितले. या प्रकरणी तपास सुरू असून चालकाचा पोलीस शोध घेत आहेत.
