बंगळुरू :कर्नाटकच्या बंदीपूरमध्ये असलेल्या नुगु वन्यजीव अभयारण्यात वाघाचे चार बछडे आढळून आले होते. यांपैकी दोन बछड्यांचा काल (सोमवार) मृत्यू झाला होता. तर, तिसऱ्या बछड्याचा आज उपचारांदरम्यान मृत्यू झाला आहे.
काल (सोमवार) सुरुवातीला तीन बछडे आढळून आले होते. त्यानंतर आणखी एक बछडा मिळाला. या सर्वांची प्रकृती उपासमारीमुळे अगदीच खालावली होती. त्यांना तातडीने उपचारांसाठी म्हसूरच्या प्राणीसंग्रहालयात पाठवण्यात आले होते. मात्र एका बछड्याचा रस्त्यात, तर दुसऱ्या बछड्याचा म्हैसूरमध्ये पोहोचल्यानंतर मृत्यू झाला होता. आज तिसऱ्या बछड्याचाही उपचारादरम्यान मृत्यू झाल्याचे समोर आले आहे.