श्रीनगर (जम्मू आणि काश्मीर): जम्मू-काश्मीरच्या माजी मुख्यमंत्री आणि पीडीपीच्या अध्यक्षा मेहबूबा मुफ्ती यांनी बुधवारी अरुणाचल प्रदेशमधील सीमेवर भारत आणि चीन यांच्यातील अलीकडील तणाव tension between India and China ही “अत्यंत दुःखद परिस्थिती” असल्याचे म्हटले Mehbooba mufti on china आहे. दुर्दैवाने भाजप त्याबद्दल काहीही करत नाही, असेही त्या म्हणाल्या.
"त्यांनी लडाखमध्ये आमची जमीन बळकावली आहे. भाजपच्या एका खासदाराच्या म्हणण्यानुसार, त्यांनी अरुणाचल प्रदेशातही जमीन बळकावली आहे. पण, दुर्दैवाने, भाजप त्यावर काहीच करत नाही," असं त्या म्हणाल्या. "आमच्या सैनिकांनी त्यांना मारहाण केली आहे, त्यांना प्रत्युत्तर देण्याची परवानगी नाही. ही अतिशय दुःखद परिस्थिती आहे," त्या पुढे म्हणाल्या.
त्या म्हणाल्या की, आमच्या जमिनीवर चीनच्या अतिक्रमणाला सरकारकडे उत्तर नसताना ते जम्मू-काश्मीरमधील लोकांकडून भाडेतत्त्वावर घेतलेल्या जमिनी काढून घेत आहेत. "येथील लोकांची मोठी फसवणूक केली जात आहे. ते आमचे नागरिक आहेत, असे सांगत राहतात, पण तरीही त्यांची जमीन हिसकावून घेतली जात आहे," त्या म्हणाल्या.
जम्मू आणि काश्मीरमधील कुटुंबांसाठी युनिक ओळखपत्र तयार करण्याच्या सरकारच्या प्रस्तावाबाबत विचारले असता मुफ्ती म्हणाल्या की, केंद्र लोकांना पाळत ठेवू इच्छित आहे कारण त्यांचा त्यांच्यावर विश्वास नाही. "हा त्यांचा आत्मविश्वासाचा अभाव आहे. त्यांना असे वाटते की कलम 370 रद्द करण्याच्या त्यांच्या 5 ऑगस्ट 2019 च्या निर्णयामुळे येथील लोक संतप्त झाले आहेत. त्यामुळे, हा त्या साखळीचाच एक भाग आहे."
काँग्रेसच्या 'भारत जोडो यात्रा' जम्मू आणि काश्मीरमध्ये पोहोचल्यावर पक्ष सहभागी होईल का, असे विचारले असता, त्या म्हणाल्या की, एनसी अध्यक्ष फारुख अब्दुल्ला यांचा सहभाग "खूप चांगली गोष्ट आहे कारण राहुल गांधी देशासाठी चांगले काम करत आहेत."
