Tej Pratap Yadav : तेज प्रताप यांच्या गाडीला स्कॉर्पिओची धडक, दोघांना अटक

बिहार सरकारचे मंत्री तेज प्रताप यादव (Tej Pratap Yadav) यांच्या कारला एका स्कॉर्पिओ गाडीने धडक दिली आहे. (Tej Pratap Yadav Car accident). धडक देणारा कारचालक मद्यधुंद अवस्थेत होता. पोलिसांनी आरोपी स्कॉर्पिओ चालकासह दोघांना अटक केली आहे. वाचा संपूर्ण बातमी.. (Tej Pratap Yadav Car accident in Patna).

पाटणा : बिहारचे वन, पर्यावरण आणि हवामान बदल मंत्री तेज प्रताप यादव (Tej Pratap Yadav) यांच्या कारला काल रात्री उशिरा अपघात झाला. (Tej Pratap Yadav Car accident). ते पाटणाच्या IGIMS मध्ये आले असताना त्यांच्या कारला धडक बसली. (Tej Pratap Yadav Car accident in Patna). घटनास्थळी उपस्थित असलेल्या प्रत्यक्षदर्शींनी सांगितले की, मंत्री तेज प्रताप यांचे अधिकृत वाहन रुग्णालयाच्या इमर्जन्सी वॉर्डसमोर उभे होते. तेज प्रताप इमर्जन्सी वॉर्डातून बाहेर पडत असताना दुसरे वाहन समोर येऊन थांबले. मंत्र्यांच्या अंगरक्षकांनी त्या वाहनाला मागे फिरण्यास सांगितले असता त्या मद्यधुंद कारचालकाने गाडीचा वेग वाढवला आणि समोर उभ्या असलेल्या मंत्र्यांच्या वाहनाला धडक दिली. हे प्रकरण शास्त्रीनगर पोलीस ठाण्याच्या हद्दीतील आहे.

चालकाला स्थानिकांची मारहाण : तेज प्रताप यांच्या गाडीला धडक दिल्यानंतर आजूबाजूचे लोक तेथे जमा झाले आणि त्यांनी स्कॉर्पिओ कार चालक आणि त्यामध्ये बसलेल्या अन्य एका व्यक्तीला पकडले. लोकांनी दोघांनाही बेदम मारहाण केली. त्यानंतर त्यांना पोलिसांच्या ताब्यात देण्यात आले. पोलिस ठाण्यात ब्रेथ अॅनालायझरने तपासणी केल्यानंतर स्कॉर्पिओ चालकाने मद्य प्राशन केल्याचे निष्पन्न झाले आहे.

चालक मद्यधुंद होता : घटनेची माहिती मिळताच डीएसपी कायदा व सुव्यवस्था संजय कुमार आणि ठाणेदार रामशंकर सिंह घटनास्थळी पोहोचले आणि रात्री उशिरा तपास केला. डीएसपीने सांगितले की, चालकासह दोन जणांना ताब्यात घेण्यात आले आहे. मंत्र्यांच्या गाडीला धडक देणारे वाहन पोलिसांनी ताब्यात घेतल्याचे त्यांनी सांगितले. रात्री उशिरा वाहनाची झडती घेण्यात आली. या घटनेबाबत चालकावर एफआयआर दाखल करण्यात येत आहे. धडक देणाऱ्या कारचा चालक अजित याने पोलिसांना सांगितले की, तो IGIMS मध्ये त्याच्या आईवर उपचार करण्यासाठी आल होता.

"आम्हाला माहिती मिळाली होती की मंत्री तेज प्रताप यादव यांच्या गाडीला IGIMS मध्ये कोणीतरी धडक दिली. घटनास्थळी पोहोचल्यानंतर प्रत्यक्षदर्शींनी सांगितले की मंत्री मद्यधुंद चालकाने त्यांच्या गाडीला धडक दिली. आजूबाजूच्या लोकांनी स्कॉर्पिओ चालक व त्यात बसलेल्या अन्य एका व्यक्तीला पकडले. पोलिस ठाण्यात ब्रेथ अॅनालायझरने तपासणी केली असता, स्कॉर्पिओ चालक मद्यधुंद अवस्थेत असल्याचे आढळून आले. वाहन जप्त करण्यात आले आहे, तसेच एफआयआरही नोंदवला जात आहे" - संजय कुमार, डीएसपी (कायदा व सुव्यवस्था)