अपघातातील जखमींना रुग्णालयात पोहोचवा आणि मिळवा 5000 रुपये; केंद्र सरकारची नवी योजना

अपघात झाल्यापासून एक तासाच्या आत रुग्णालयात पोहोचवणाऱ्या व्यक्तीला 5000 रुपयांचे बक्षिस देण्यात येणार असल्याची योजना ही रस्ते वाहतूक आणि महामार्ग मंत्रालयाने सुरू केली आहे. रस्ते अपघातात होणाऱ्या मृत्यूचे प्रमाण कमी करण्यासाठी ही योजना सुरू करण्यात आली आहे. 'सुवर्ण तास योजना' ही 15 ऑक्टोबर 2021 पासून सुरू होणार आहे. याबाबतचे रस्ते वाहतूक आणि महामार्ग मंत्रालयाने सर्व राज्य आणि केंद्रशासित प्रदेशातील परिवहन विभागांना योजनेच्या संबंधीत पत्र पाठवले आहे.

नवी दिल्ली - अपघात झाल्यापासून एक तासाच्या आत रुग्णालयात पोहोचवणाऱ्या व्यक्तीला 5000 रुपयांचे बक्षिस देण्यात येणार असल्याची योजना ही रस्ते वाहतूक आणि महामार्ग मंत्रालयाने सुरू केली आहे. रस्ते अपघातात होणाऱ्या मृत्यूचे प्रमाण कमी करण्यासाठी ही योजना सुरू करण्यात आली आहे. 'सुवर्ण तास योजना' ही 15 ऑक्टोबर 2021 पासून सुरू होणार आहे. याबाबतचे रस्ते वाहतूक आणि महामार्ग मंत्रालयाने सर्व राज्य आणि केंद्रशासित प्रदेशातील परिवहन विभागांना योजनेच्या संबंधीत पत्र पाठवले आहे.

सुवर्ण तास म्हणजे काय?

"सुवर्ण तास" म्हणजे दुखापत झाल्यापासून पुढील एक तास होय. हा एक तास हा दुखापतग्रस्तासाठी अत्यंत महत्वाचा असा असतो. दुखापतीनंतर एक तासाचा आत त्वरित त्याला वैद्यकीय सेवा मिळाली तर त्याचा मृत्यू टाळण्याची सर्वाधिक शक्यता असते. त्यामुळे या कालावधीला सुवर्ण काळ म्हटल्या जाते.

मृत्यूचे प्रमाण कमी व्हावे उद्देशाने ही योजना -

रस्ते अपघातात जखमी झालेल्या व्यक्तीला एका तासाच्या आत रुग्णालयात पोहोचवले तर मृतांची संख्या ही कमी होऊ शकते. देशात रस्ते अपघातात दरवर्षी दीड लाख लोकांचा मृत्यू होतो. रस्ते वाहतूक मंत्रालयाने हे मृत्यूचे प्रमाण कमी व्हावे या उद्देशाने ही योजना काढली आहे.

10 मदतनीसांना प्रत्येकी एक लाख रुपयांचा पुरस्कार -

या योजनेअंतर्गत राष्ट्रीय पातळीवर सर्वात चांगली मदतनीसाची भूमिका बजावणाऱ्या 10 मदतनीसांना प्रत्येकी एक लाख रुपयाचा पुरस्कार देण्यात येणार आहे. तर अपघातात तत्काळ मदत करणाऱ्या नागरिकांना 5 हजारांचे बक्षिस आणि एक प्रमाणपत्र देण्यात येणार आहे.

हेही वाचा -7 ऑक्‍टोबरपासून साई मंदिर दर्शनासाठी खुले होणार; दररोज 15 हजार भक्तांनाच प्रवेश