Jammu Kashmir: विजयपूर परिसरात संशयास्पद वस्तू; ड्रोनच्या हालचाली, 5 लाखांची रोकड जप्त

Jammu Kashmir: वरिष्ठ पोलिस अधीक्षक अभिषेक महाजन यांनी सांगितले की, जे स्थानिक लोक या मालाची माहिती देतील. आणि त्यावर कारवाई करणाऱ्या पोलिस कर्मचाऱ्यांना बक्षीस देण्यात येईल.

श्रीनगर:जम्मू आणि काश्मीरच्या सांबा जिल्ह्यात पोलिसांनी गुरुवारी सकाळी सीमेपलीकडून ड्रोनद्वारे आयईडी, शस्त्रे आणि रोख रक्कम जप्त केली. एका अधिकाऱ्याने ही माहिती दिली. वरिष्ठ पोलिस अधीक्षक अभिषेक महाजन यांनी पत्रकारांना सांगितले की, गुरुवारी सकाळी 6.15 वाजता आंतरराष्ट्रीय सीमेपासून 5 किलोमीटर अंतरावर असलेल्या रामगढ आणि विजयपूर दरम्यान स्थानिकांना एक संशयास्पद पॅकेट दिसले आणि त्यांनी पोलिसांना याची माहिती दिली.

महाजन म्हणाले की, संशयास्पद पॅकेटमध्ये स्टीलच्या तळाशी एक लाकडी पेटी होती. ज्यातून बॉम्ब शोधक पथकाने डिटोनेटर्ससह 2 आयईडी, 2 चायनीज पिस्तूल, 60 राउंडसह 4 मॅगझिन आणि 5 लाख रुपये रोख जप्त केले. ही रोकड 500 रुपयांच्या नोटांमध्ये होती. महाजन म्हणाले, सीमेपलीकडून ड्रोनद्वारे माल टाकण्याचा हा विषय आहे.

आम्ही त्याची चौकशी करत आहोत. ते म्हणाले, मालाची खेप काही अनुचित घटना घडवण्यासाठी वापरता आली असती. परंतु पोलिसांनी हा प्रयत्न हाणून पाडला. या मालाची माहिती देणारे स्थानिक लोक आणि त्यावर कारवाई करणाऱ्या पोलीस कर्मचाऱ्यांना बक्षीस देण्यात येणार असल्याचे महाजन यांनी सांगितले.