नवी दिल्ली : 'द केरळ स्टोरी' चित्रपटाच्या प्रदर्शनाला स्थगिती देण्याची मागणी करणाऱ्या याचिकेवर सुनावणी करण्यास सर्वोच्च न्यायालयाने आज मंगळवार फेटाळली आहे. ज्येष्ठ वकील कपिल सिब्बल आणि अधिवक्ता निजाम पाशा यांनी न्यायमूर्ती केएम जोसेफ आणि न्यायमूर्ती बीव्ही नगररत्न यांच्या खंडपीठाला माहिती दिली की, चित्रपटाचा ट्रेलर एक कोटी 60 लाख वेळा पाहिला गेला आहे. हा चित्रपट शुक्रवारी प्रदर्शित होत आहे. अधिवक्ता पाशा म्हणाले, 'हा चित्रपट द्वेषयुक्त भाषणाचे सर्वात वाईट उदाहरण आहे. हा निव्वळ दृकश्राव्य प्रचार आहे असही ते यामध्ये म्हणाले आहेत.
अधिवक्ता सिब्बल म्हणाले की, जे आवश्यक असेल ते आम्ही करू : खंडपीठाने हा निर्णय देताना म्हटले आहे की, अनेक प्रकारची द्वेषयुक्त भाषणे आहेत. या चित्रपटाला प्रमाणपत्र मिळाले आहे आणि बोर्डाने त्याला मान्यता दिली आहे. कोणी स्टेजवर येऊन निंदा करायला सुरुवात केली, असे नाही. जर तुम्हाला रिलीजला आव्हान द्यायचे असेल तर चित्रपटाच्या प्रमाणपत्राला आव्हान दिले पाहिजे. तेही योग्य माध्यमातून ते तुम्हाला करता येईल. यावर अधिवक्ता सिब्बल म्हणाले की, जे आवश्यक असेल ते आम्ही करू.