कलम ३७० च्या निर्णयानंतर सोशल मीडियावर मीम्सचा पाऊस, जाणून घ्या नेटकऱ्यांच्या प्रतिक्रिया

Article 370 Removal Reaction : सर्वोच्च न्यायालयानं कलम ३७० हटवण्याचा बाजूनं निर्णय दिल्यानंतर सोशल मीडियावर विविध प्रतिक्रियांना उधाण आलं आहे. नेटकरी मीम्सच्या माध्यमातून या विषयावर आपलं मत मांडत आहेत.

नवी दिल्लीArticle 370 Removal Reaction : सर्वोच्च न्यायालयानं सोमवारी कलम ३७० हटवण्याचा निर्णय कायम ठेवला. हा सरकारचा अधिकार आहे, असं न्यायालयानं म्हटलंय. न्यायालयानं आपल्या निर्णयात सप्टेंबर २०२४ पर्यंत विधानसभा निवडणुका घेण्याचे आणि राज्याचा दर्जा बहाल करण्याचे आदेश दिले आहेत. दरम्यान, आता या निर्णयाबाबत सोशल मीडियावर वेगवेगळ्या प्रतिक्रिया येत आहेत.

हा निर्णय म्हणजे काँग्रेसच्या तोंडावर चपराक असल्याचं जेएनयूचे प्राध्यापक आनंद रंगनाथन म्हणाले. "मोदी सरकारचा हा निर्णय योग्य असून भारताचा मुकुट (जम्मू-काश्मीर) आता कोणत्याही काट्याशिवाय चमकेल", असं ते म्हणाले.

काही जणांनी पंतप्रधान मोदींचा एक जुना व्हिडिओ सोशल मीडियावर पोस्ट केला. मोदींनी हे दुसऱ्याच कुठल्या संदर्भात म्हटलं आहे, मात्र इथे हा व्हिडिओ उपरोधिक म्हणून वापरण्यात आला.

परराष्ट्र व्यवहार तज्ञ सुशांत सरीन यांनी लिहिलं की, अखेर हे प्रकरण समाप्त झालं आहे.

भाजपाचे माजी खासदार सुब्रमण्यम स्वामी यांनी या निर्णयाचं स्वागत केलं. "नेहरूंनी केलेल्या चुका आज सर्वोच्च न्यायालयानं दूर केल्या", असं ते म्हणाले.

संजय दीक्षित यांनी लिहिलं की, आता ट्रुथ आणि रिकॉशिलिएशन समिती स्थापन करावी आणि जे काही अत्याचार झालेत त्याचा हिशेब द्यावा.

या निर्णयानंतर माजी पंतप्रधान अटलबिहारी वाजपेयी यांचाही एक व्हिडिओ व्हायरल होत आहे. यामध्ये ते म्हणत आहेत की आज आमच्याकडे बहुमत नाही, त्यामुळे आम्ही कलम ३७० वर कोणतीही कारवाई करत नाही.

पंतप्रधान नरेंद्र मोदी यांचा जुना फोटोही व्हायरल होतो आहे.

सर्वोच्च न्यायालयानं आपल्या निर्णयात म्हटलं आहे की, कलम १ आणि कलम ३७० नुसार जम्मू-काश्मीर भारताचा अविभाज्य भाग असल्याचं सूचित होतं. न्यायालयानं म्हटलं आहे की, जम्मू-काश्मीरनं आपलं सार्वभौमत्व पूर्णपणे भारताकडे सुपूर्द केलं आहे. सरन्यायाधीश म्हणाले की, भारताच्या संविधानात - सार्वभौम, समाजवादी, धर्मनिरपेक्ष आणि लोकशाही प्रजासत्ताक लिहिलेलं आहे. मात्र जम्मू आणि काश्मीरला कोणतंही सार्वभौमत्व नाही किंवा त्याला अंतर्गत सार्वभौमत्व नाही.

हेही वाचा :