नवी दिल्ली :Shraddha murder case: श्रद्धा वालकर हत्या प्रकरणातील आरोपी आफताब पूनावालाच्या जामीन अर्जावरील सुनावणी पुढे ढकलण्यात आली Hearing on bail plea of accused Aftab postponed आहे. पोलिसांच्या अर्जावर साकेत न्यायालयाने शनिवारी सकाळी १० वाजेपर्यंत सुनावणी पुढे ढकलली आहे. या जामीन अर्जावर आता शनिवारी युक्तिवाद होणार आहे. तत्पूर्वी, आरोपी आफताब पूनावालाचे वकील एमएस खान यांनी साकेत न्यायालयात त्याच्या जामिनासाठी अर्ज दाखल केला होता, त्यावर आज सकाळी 10 वाजता सुनावणी होणार होती. आफताबला जामीन मिळण्याची अपेक्षाही आरोपींच्या वकिलाने व्यक्त केली होती.
आफताबचे वकील एमएस खान यांनीही दिल्ली पोलिसांच्या कार्यशैलीवर प्रश्नचिन्ह उपस्थित केले असून, श्रद्धा हत्याकांडात नवा ट्विस्ट येणार आहे. त्यानंतर दिल्ली पोलिसांच्या पायाखालची जमीन सरकणार आहे. दिल्ली पोलीस जे पुरावे सादर करत आहेत ते सर्व निराधार आहेत. दिल्ली पोलिसांनी अद्याप कोणताही ठोस पुरावा सादर केलेला नाही आणि जसजसे हे प्रकरण पुढे जाईल तसतसे दिल्ली पोलीसही या प्रकरणात अडकणार आहेत, असे ते म्हणाले.
एका मृतदेहाची हाडे पोलिसांनी मेहरौलीच्या जंगलातून जप्त केली आहेत. आता ही हाडे श्रद्धाचे वडील विकास वालकर यांच्या डीएनएशी जुळली आहेत. पोलिस अनेक दिवसांपासून या डीएनए चाचणीच्या अहवालाची वाट पाहत होते. ही माहिती समोर आल्याने या प्रकरणात नवा ट्विस्ट आला आहे. दुसरीकडे, दिल्ली पोलिसांच्या सूत्रांनी दिलेल्या माहितीनुसार, ज्यांच्या हाडांचे डीएनए करण्यात आले आहे ते लवकरच पोस्टमॉर्टमसाठी एम्समध्ये पाठवले जातील.
शवविच्छेदनातून श्रद्धाच्या हत्येचा नेमका दिवस आणि वेळ जाणून घेण्याचाही प्रयत्न केला जाणार असल्याचे सूत्रांनी सांगितले. एवढेच नाही तर पॉलीग्राफ चाचणीनंतर पोलिसांनी श्रद्धाचे काही कपडे जंगलातून जप्त केले आहेत, जे तिने तिच्या शेवटच्या क्षणी परिधान केले होते. हे कपडे जंगलात सापडले असून, ते फॉरेन्सिक तपासणीसाठी पाठवण्यात आले आहेत.
कुटुंबीयांनी घेतली पोलीस अधिकाऱ्यांची भेट: श्रद्धाचे वडील विकास वालकर यांनी शुक्रवारी मुंबईचे पोलीस आयुक्त मधुकर पांडे यांची भेट घेतली. त्यांच्या मुलीच्या २०२० च्या प्रलंबित तक्रारीवरील याचिकेबाबत ही भेट घेतल्याचे त्यांनी सांगितले. "माझ्या मुलीने 2020 मध्ये केलेल्या तक्रारीबाबत मला काही माहिती हवी होती. त्यामुळे मी तशी याचिका दाखल केली आहे. ती भविष्यात या खटल्यासाठी उपयोगी पडू शकते. मी पोलिस आयुक्तांकडे आफताबच्या कुटुंबीयांची तक्रारही केली आहे. आफताबच्या घरच्यांना सगळी माहिती होती तरीही काहीच बोलले नाही." असे विकास वालकर म्हणाले. यावेळी त्यांच्यासोबत भाजप नेते किरीट सोमय्याही उपस्थित होते.
