प्रजासत्ताक दिनाच्या पार्श्वभूमीवर काश्मीर खोऱ्यातील सुरक्षेत वाढ

प्रजासत्ताक दिनाच्या पार्श्वभूमीवर श्रीनगर आणि काश्मीरमधील इतर ठिकाणी सुरक्षा व्यवस्था वाढवण्यात आली आहे. प्रजासत्ताक दिनाच्या दिवशी काश्मीर खोऱ्यात अनेक कार्यक्रम आयोजित केले जातात. त्यामुळे कायदा व सुव्यवस्थेच्या दृष्टिकोनातून मोठ्या प्रमाणात सुरक्षा तैनात करण्यात आल्याची माहिती अधिकाऱ्यांनी दिली.

श्रीनगर -मंगळवारी साजरा होणाऱ्या प्रजासत्ताक दिनाच्या पार्श्वभूमीवर श्रीनगर आणि काश्मीरमधील इतर ठिकाणी सुरक्षा व्यवस्था वाढवण्यात आली आहे. प्रजासत्ताक दिनाच्या दिवशी काश्मीर खोऱ्यात अनेक कार्यक्रम आयोजित केले जातात. त्यामुळे कायदा सुव्यवस्थेच्या दृष्टिकोनातून मोठ्या प्रमाणात सुरक्षा तैनात करण्यात आल्याची माहिती अधिकाऱ्यांनी दिली.

तपासणी चौक्यात वाढ

सुरक्षेसाठी अनेक ठिकाणी वाहनांची आणि नागरिकांची तपासणी केली जात असल्याचेही त्यांनी सांगितले. शहरातील व इतर जिल्हा मुख्यालयांमधील महत्वाच्या आस्थापनांसाठी सुरक्षा दलांची उपस्थिती वाढवण्यात आली आहे, अशी माहिती अधिकाऱ्यांनी दिली. सुरक्षा दलांना सतर्क राहण्यास सांगण्यात आले असून शहरात अधिक चौक्या तयार करण्यात आल्या आहेत, असेही ते म्हणाले.

त्रिस्तरीय सुरक्षा तैनात

काश्मीरचे पोलीस महानिरीक्षक विजय कुमार यांनी परिस्थिती नियंत्रणात असल्याचे सांगितले. तसेच हा दिवस कुठल्याही दुर्घटनेविना पार पडेल, असा विश्वास व्यक्त केला. जिल्ह्यात अनेक ठिकाणी बहुस्तरीय सुरक्षा व्यवस्था आणि काही परिसरात 24 तासांसाठी देखरेख ठेवण्यात आली आहे. त्रिस्तरीय सुरक्षा तैनात करण्यात आली आहे. परिसरात वाहनांची आणि नागरिकांची तपासणी सुरु असून ड्रोनच्या सहाय्याने देखरेख केली जात असल्याचेही अधिकाऱ्यांनी सांगितले.

हेही वाचा -राज्यात पोलिसांसाठी एक लाख नवी घरे बांधणार - गृहमंत्री अनिल देशमुख