6 Naxalites Arrested सुकमा विजापूर जिल्ह्यात 6 नक्षलवाद्यांच्या सुरक्षा दलांनी आवळल्या मुसक्या, स्फोटक सामान जप्त

सुकमा जिल्ह्यात सुरक्षा दलावर हल्ला करणाऱ्या 6 नक्षलवाद्यांच्या मुसक्या आवळण्यात आल्या आहेत. यात काही जवाल नक्षलवाद्यांचा समावेश आहे. या नक्षलवाद्यांकडून काही स्फोटक सामान सुरक्षा दलाने जप्त केले आहे. बासागुडा, गांगलूर आणि किरंदुल या सीमावर्ती परिसरात जहाल नक्षलवादी जमा झाल्याची माहिती सुरक्षा दलाला मिळाली होती.

सुकमा -सुरक्षा दलांवर अंदाधुंद गोळीबार करुन पळणाऱ्या नक्षलवाद्यांच्या सुरक्षा दलाने सुकमा जिल्ह्यात शुक्रवारी मुसक्या आवळल्या आहेत. या नक्षलवाद्यांकडून सुरक्षा दलाने मोठ्या प्रमाणात स्फोटके जप्त केले. जहाल नक्षलवादी विजापूरच्या बासागुडा, गांगलूर आणि किरंदुल या सीमावर्ती भागात जमा झाल्याची माहिती सुरक्षा दलांना मिळाली होती. दंतेवाडा आणि विजापूरची डीआरजी टीम, एसटीएफ, महिला कमांडो आणि कोब्रा 210 यांची संयुक्त टीम पिडिया गावच्या जंगलात गेली होती. यावेळी इडनारच्या जंगलात नक्षलवाद्यांकडून सुरक्षा दलावर अंदाधुंद गोळीबार करण्यात आला.

पळून जाणारे 3 नक्षलवादी अटक :सुरक्षा दलांवर गोळीबार करुन नक्षलवादी जंगलाच्या दिशेने पळून गेले होते. यावेळी पोलिसांनी प्रत्युत्तरादाखल गोळीबारामुळे नक्षलवाद्यांनी घनदाट जंगलाच्या आडून पळून गेले. यावेळी झडतीदरम्यान 8-10 संशयीत पळताना दिसले. त्यांना सुरक्षा दलांनी वेढा घालून पकडले. यामध्ये 02 महिला आणि 01 पुरुष नक्षलवाद्यांचा समावेश आहे. यात गुड्डू कुसराम गांगलूर ( एलओएस सदस्य) , महिला नक्षलवादी हुंगी अवलम ( पक्ष सदस्य) , संघटना सदस्य इडो असे अटक करण्यात आलेल्या नक्षलवाद्यांची नावे आहेत. सुरक्षा दलाने त्यांच्याकडून मोठ्या प्रमाणात स्फोटक सामान जप्त केले आहे.

नक्षलवाद्यांकडून दारूगोळा जप्त : सुरक्षा दलाने अटक केलेल्या नक्षलवाद्यांकडून टिफिन बॉम्ब, जिलेटिन रॉड, कार्डेक्स वायर, डिटोनेटर, इलेक्ट्रिक वायर, बॅटरी, प्लास्टिक मेम्ब्रेन जप्त केले. सरकारच्या आत्मसमर्पण आणि पुनर्वसन धोरणांतर्गत नक्षलवादी गुड्डू गांगलूरवर एक लाखाचे बक्षीस जाहीर करण्यात आल्याची माहिती सुरक्षा दलाच्या अधिकाऱ्याने दिली आहे.

नक्षलवाद्यांनी रचलेल्या रणनीतीवर फिरले पाणी :सुरक्षा दलांनी नक्षलवाद्यांना अटक करुन गांगलूर पोलीस ठाण्यात गुन्हा दाखल करण्यात आला. त्यानंतर त्यांना विजापूर न्यायालयात हजर करण्यात आले. अटक करण्यात आलेल्या नक्षलवाद्यांकडून अनेक खुलासे झाले आहेत. सुरक्षा दल या संपूर्ण प्रकरणाचा तपास करत आहे. त्यामुळे आणखी नक्षलवादी पकडले जाण्याची शक्यता आहे. सुरक्षा दलाच्या चोख बंदोबस्तामुळे नक्षलवाद्यांच्या अनेक ठिकाणांबाबत माहिती मिळत आहे. त्यामुळे नक्षलवाद्यांनी आखलेल्या रणनीतीवर पाणी फेरले जात आहे.

सुकमात बॉम्ब ठेवताना 3 नक्षलवादी पकडले :आयईडी बॉम्ब पेरताना सुरक्षा दलांनी तीन नक्षलवाद्यांच्या मुसक्या आवळल्या आहेत. या नक्षलवाद्यांकडून स्फोटक सामग्री जप्त करण्यात आला आहे. यातील एका नक्षलवाद्यावर छत्तीसगड सरकारने एक लाख रुपयांचे बक्षीस जाहीर केले होते. सुकमामध्ये नक्षलवादी निर्मूलन मोहिमेचा एक भाग म्हणून, जिल्हा पोलीस दल, डीआरजी, सीआरपीएफ आणि कोब्रा बटालियनचे संयुक्त पथक जंगलात सर्चिंग ऑपरेशन करत होते. परतीच्या वेळी मेदवाहीकडे जाणाऱ्या अर्लमपल्ली फुटपाथवर 3 नक्षलवादी खड्डा खोदून बॉम्ब पेरत होते. सुरक्षा दलाच्या जवानांना त्यांच्या दिशेने येताना पाहून त्यांनी पळून जाण्याचा प्रयत्न केला. मात्र जवानांनी त्यांना घेराव घालून पकडल्याची माहिती सुकमाचे पोलीस अधीक्षक सुनील शर्मा यांनी यावेळी दिली.

टिफिन बॉम्बसह स्फोटक साहित्य जप्त :नक्षलवाद्यांची झडती घेतल्यानंतर पोलिसांनी त्यांच्या ताब्यातून टिफिन बॉम्ब आणि इतर स्फोटक साहित्य जप्त केले. यामध्ये कोडेक्स वायर, नॉन इलेक्ट्रिक डिटोनेटर, बॅटरी, रेडिओ, इलेक्ट्रिक डिटोनेटर, पॅकेट फटाके, जिलेटिन रॉड, नक्षलवादी साहित्यही जप्त करण्यात आल्याची माहिती त्यांनी दिली. अटक करण्यात आलेले सर्व नक्षलवादी अर्रामपल्ली पोलीस ठाण्याच्या हद्दीत असलेल्या पोलमपल्ली येथील रहिवासी असल्याची माहितीही सुरक्षा दलाने यावळी दिली.

जहाल नक्षलवादी अटकेत :सुरक्षा दलाने अटक केलेला नक्षलवादी सीएनएनचा अध्यक्ष असताना मुचकी गंगा नक्षलवादी संघटनेत सक्रिय होता. त्याच्यावर छत्तीसगड सरकारने 1 लाख रुपयांचे बक्षीस जाहीर केले होते. मडकम भीमा मिलिशिया सदस्य आणि कमलू पोज्जा मिलिशिया या पदावर इतर नक्षलवादी संघटनेत सक्रिय होते. सर्व नक्षलवाद्यांवर गुन्हे दाखल करण्यात आले असून त्यांना न्यायालयीन कोठडीत पाठवण्यात आल्याची माहिती सूत्रांनी दिली आहे.

हेही वाचा - Beed Crime : केजच्या नायब तहसीलदारांवर जीवघेणा हल्ला; भररस्त्यात पेटविण्याचा प्रयत्न