नवी दिल्ली: रिओ ऑलिम्पिक 2016 आणि कॉमनवेल्थ गेम्स 2022 ( Commonwealth Games 2022 ) मधील कांस्यपदक विजेती साक्षी मलिक ( Commonwealth Games bronze medalist Sakshi Malik ) ही बहु-प्रतिभावान खेळाडू आहे. रिओ ऑलिम्पिक 2016 मध्ये पदक जिंकणारी पहिली भारतीय महिला कुस्तीपटू बनून साक्षीने लोकांना आपला विचार बदलण्यास भाग पाडले. ती महिला कुस्तीपटूंच्या भावी पिढ्यांसाठी एक आदर्श म्हणून उदयास आली. जीवनात अनेक चढ-उतार पाहिलेल्या साक्षीने परिस्थितीसमोर कधीही हार मानली नाही आणि भविष्यासाठी चांगल्या आशेने नेहमीच पुढे गेली.
असा आहे प्रवास ( Sakshi Malik Profile )
भारतीय महिला कुस्तीपटू साक्षी मलिकचा जन्म 3 सप्टेंबर 1992 रोजी हरियाणाच्या रोहतक जिल्ह्यातील मोखरा गावात ( Sakshi Malik born in Mokhara village ) झाला. साक्षीचे वडील सुखबीर मलिक डीटीसीमध्ये बस कंडक्टर म्हणून काम करतात आणि तिची आई सुदेश मलिक या अंगणवाडी सेविका आहेत. साक्षी मलिकने ( Come back girl Sakshi Malik )तिचे आजोबा सुबीर मलिक यांच्या प्रेरणेने कुस्तीत प्रवेश करण्याचा निर्णय घेतला. त्यानंतर तिने एकामागून एक पदके जिंकून आपला निर्णय सिद्ध केला असे म्हटले जाते. ईश्‍वर दहिया यांच्या मार्गदर्शनाखाली सराव करुन पाच वर्षांनंतर तिने 2009 च्या आशियाई ज्युनियर स्पर्धेत यशाची पहिली चव चाखली. फ्रीस्टाईलमध्ये जागतिक स्पर्धा, 59 किलो वजनी गटात रौप्य पदक जिंकले. यानंतर 2010 च्या जागतिक ज्युनियर चॅम्पियनशिपमध्येही तिने कांस्यपदक जिंकले.
2013 कॉमनवेल्थ चॅम्पियनशिपमध्ये कांस्यपदक जिंकल्यानंतर, साक्षी मलिकने ( Female wrestler Sakshi Malik ) पुढच्या वर्षी 2014 मध्ये ग्लासगो येथे तिची पहिली कॉमनवेल्थ गेम्स खेळली. तिने 58 किलो वजनी गटाच्या अंतिम फेरीत नायजेरियाच्या अमिनत अदेनीविरुद्ध पराभूत होऊन रौप्य पदकावर समाधान मानली. पुढच्याच वर्षी साक्षीने दोहा येथे झालेल्या आशियाई चॅम्पियनशिपमध्ये कांस्यपदक जिंकले. त्यानंतर 2016 च्या रिओ ऑलिम्पिक गेम्समध्ये, साक्षीने 58 किलो वजनी गटात कांस्यपदक जिंकले आणि ऑलिम्पिक स्पर्धेत पदक जिंकणारी पहिली महिला कुस्तीपटू बनून जागतिक स्तरावर उदयास आली. त्यानंतर 2017 मध्ये साक्षीने कॉमनवेल्थ चॅम्पियनशिपमध्ये सुवर्णपदक जिंकले.