कीव : संपूर्ण जगाच्या नजरा रशिया आणि युक्रेन युद्धाकडे लागल्या आहेत. या युद्धाचे भविष्यात तिसर्‍या महायुद्धात रूपांतर तर होणार नाही ना, या चिंतेने सध्या सारे जग चिंतेत आहे. बैठकांचा फेरा सुरूच आहे. अमेरिका, भारत आणि जगातील इतर शक्तिशाली देश हे युद्ध थांबवण्याचा मार्ग शोधत आहेत. (Ukrainian actress Oksana Schwetz dies) गुरुवारी (दि. 17 मार्च)रोजी G-7 च्या परराष्ट्र मंत्र्यांनी, जगातील सर्वोच्च सात अर्थव्यवस्थांचा समूह, रशियाला युक्रेनवरील हल्ले थांबवण्यास आणि सैन्य मागे घेण्यास सांगणाऱ्या आंतरराष्ट्रीय न्यायालयाच्या आदेशाचे पालन करण्याचे आवाहन करत आहे.
भारताने यापूर्वीच औषधे, मदत असे 90 टन साहित्य पाठवले
युद्धाच्या काळात संयुक्त राष्ट्रांच्या तातडीच्या बैठकीत भारताने सांगितले की, युक्रेनमध्ये निर्माण होत असलेल्या गंभीर मानवतावादी परिस्थितीच्या अनुषंगाने, भारत आगामी काळात आणखी या परिस्थितीचा पाठपुरवठा करणार आहे. भारताने यापूर्वीच औषधे, मदत असे 90 टन साहित्य पाठवले आहे. (president of ukraine volodymyr zelensky) भारताचे आंब टीएस तिरुमूर्ती यांनी संयुक्त राष्ट्रांच्या बैठकीत ही माहिती दिली.
लाखो लोकांना त्यांची घरे सोडण्यास भाग पाडले
G-7 गटाने एका संयुक्त निवेदनात मारियुपोलसह शहरांना घातलेल्या वेढ्याचा निषेध केला आणि नागरिकांवरील हल्ल्याला अविवेकी हल्ला म्हटले आहे. त्यांनी रशियन राष्ट्राध्यक्ष व्लादिमीर पुतिन यांच्यावर "विनाप्रवृत्त आणि लज्जास्पद" युद्ध छेडल्याचा आरोप केला. तसेच, यांनी लाखो लोकांना त्यांची घरे सोडण्यास भाग पाडले आणि रुग्णालये, थिएटर शाळांसह पायाभूत सुविधांचे नुकसान केले असही म्हणाले आहेत. G-7 ने म्हटले आहे की, युद्ध गुन्ह्यांसाठी दोषी, नागरिकांविरुद्ध शस्त्रांचा अंदाधुंद वापर केला जाईल. त्याचवेळी, युक्रेनियन अधिकाऱ्याच्या म्हणण्यानुसार, रशियन सैन्याने वेलिकोबुर्लुत्स्काच्या महापौरांना ताब्यात घेतले आहे.
रशियन रॉकेट हल्ल्यात युक्रेनियन अभिनेत्री ओक्साना श्वेट्स ठार
किव्हमधील एका निवासी इमारतीवर रशियन रॉकेट हल्ल्यात युक्रेनियन अभिनेत्री ओक्साना श्वेट्सचा मृत्यू झाला आहे. ओक्सानाच्या मृत्यूची पुष्टी करून, तिच्या यंग थिएटरने एक निवेदन जारी केले. कीवमधील निवासी इमारतीवर रॉकेट हल्ल्यात ओक्साना श्वेत्स या युक्रेनियन कलाकाराचा मृत्यू झाला, असे निवेदनात म्हटले आहे. ओक्साना 67 वर्षांची होती. तीला युक्रेनच्या सर्वोच्च कलात्मक सन्मानांपैकी एकाने सन्मानित करण्यात आले. तीला युक्रेनचा सन्मानित कलाकार म्हणून ओळखला जात असे.