बंगळूरु - कोरामंगळा येथील एका बँकेत अट्टल गुन्हेगार जोसेफ बबलीची हत्या करण्यात आली होती. या प्रकरणाचा तपास बंगळूरु पोलीस करत आहे. तसेच याप्रकरणी पोलिसांनी अडूगोडी येथून दहापेक्षा जास्त जणांना अटक केली असून त्यांची चौकशी सुरू आहे. आता या घटनेचे सीसीटीव्ही फुटेज समोर आले आहे.
जोसेफ बबली हा अडुगोडी येथील रहिवासी -
कोरामंगळा पोलिसांनी बुधवारी या गॅंगशी संबंधित प्रदीप आणि रवी नावाच्या दोन आरोपींना अटक केली होती. मात्र, पोलीस सुत्रानुसार प्रकरणातील मुख्य आरोपी अद्यापही फरार आहे. तसेच या जोसेफ बबलीची हत्या कोणत्या कारणामुळे झाली, हे देखील अद्याप स्पष्ट झालेले नाही. दरम्यान, जोसेफ बबली हा अडुगोडी येथील रहिवासी असून त्याची हा अट्टल गुन्हेगार होता. मात्र, 2011 पासून त्याच्यावर एकही गुन्हा दाखल नव्हता. त्याने नुकताच कंत्राटदार म्हणून नवीन काम सुरू केले होते. पोलिसांनी याप्रकरणी दहा जणांना अटक केली आहे.
हेही वाचा - दूधसागर धबधब्याजवळ एक्सप्रेस रुळावरून खाली घसरली; जीवितहानी नाही
