उत्तराखंड : काळधुंगी पोलीस ठाण्याच्या हद्दीतील कोटबाग येथून धक्कादायक घटना उघडकीस आली आहे. येथे एका मजुराने अडीच वर्षाच्या निष्पाप मुलीवर बलात्कार ( Rape with Two And A Half Year Old Girl ) केल्याची घटना घडली आहे. याप्रकरणी पोलिसांनी आरोपीला अटक केली. पोलीस त्याची चौकशी करत आहेत.
अडीच वर्षांच्या मुलीवर बलात्कार : उत्तराखंडमधील कोटाबागमध्ये एका ४२ वर्षीय मजुराने अडीच वर्षांच्या मुलीवर बलात्कार केला. मुलीला गंभीर अवस्थेत रुग्णालयात दाखल करण्यात आले आहे. पीडितेचे कुटुंब बिहारचे तर आरोपी पश्चिम बंगालचा आहे. मुलगी रक्ताने माखलेल्या अवस्थेत सापडल्याचे पोलिसांनी सांगितले. कोटाबाग पीएचसीमध्ये मुलीवर प्राथमिक उपचार केल्यानंतर डॉक्टरांनी तिला सुशीला तिवारी रुग्णालयात पाठवले असून मुलीवर उपचार सुरू आहेत. मुलीची प्रकृती अजूनही चिंताजनक असल्याचे डॉक्टरांनी सांगितले आहे.
पीडित कुटुंब बिहारचे रहिवासी आहे :कालाधुंगी पोलिस स्टेशनचे प्रभारी नंदन सिंह रावत यांनी सांगितले की, कोटाबागच्या चांदपूर गावातील शेरपूरमध्ये रिसॉर्टचे बांधकाम सुरू आहे. येथे बिहारच्या कटिहार जिल्ह्यातील एक कुटुंब मजूर म्हणून काम करते. शुक्रवारी दुपारी मुलीच्या पालकांनी तिला रक्तबंबाळ अवस्थेत रुग्णालयात नेले. तपासात प्रथमदर्शनी बलात्कार झाल्याची स्पष्ट झाले आहे. मुलीच्या पाठीवर खुणाही आढळून आल्या आहेत.
आरोपी पश्चिम बंगालचा रहिवासी :पोलीस स्टेशन प्रभारी नंदन सिंह रावत यांनी सांगितले की या प्रकरणात आरोपीला अटक करण्यात आले आहे आणि पॉक्सो कायद्यांतर्गत गुन्हा दाखल करण्यात आला आहे. आरोपी पश्चिम बंगालचा रहिवासी असून तो पीडितेच्या कुटुंबासोबत मजुरीचे काम करत असे. आरोपीचे वय सुमारे 42 वर्षे आहे.
घटनेच्या वेळी मुलीचे आई-वडील कामावर गेले होते : मजूर आणि त्याची पत्नी दोघेही शुक्रवारी कामावर गेले होते. यादरम्यान त्यांच्यासोबत काम करणारा दुसरा मजूर त्यांच्या झोपडीत घुसला. अडीच वर्षांची मुलगी एकटी सापडल्यानंतर त्याने तिच्यासोबत बलात्कार केला. काही वेळाने मुलीची आई परत आली असता त्यांना मुलगी रक्तबंबाळ अवस्थेत दिसली. यानंतर सहकारी मजुरांनी घाईघाईने मुलीला सीएचसी कोटाबाग येथे नेले. डॉ. सलीम अन्सारी यांनी प्रकरण गंभीर असल्याचे सांगून उच्च केंद्राकडे पाठवले. माहिती मिळताच पोलीसही घटनास्थळी पोहोचले. यादरम्यान आरोपीला अटक करूण गुन्हा दाखल करण्यात आला आहे.
