दुर्ग - राज्यसभेचे खासदार दिग्विजय सिंह यांनी माध्यमांशी बोलताना भाजपावर घोडेबाजार केल्याचा आरोप केला. भाजपा सरकारकडे काळ्या पैशाची कमाई आहे. ज्या प्रकारे मंड्यांमध्ये जनावरे विकली जातात. त्याच प्रकारे भाजपा सरकार फार्महाऊस व हॉटेलमध्ये आमदार खरेदी करत आहे. आमदारांना खरेदी करण्यासाठी कोट्यवधीच्या ऑफर दिल्या जात आहेत, असे दिग्विजय सिंह म्हणाले.
'बाजारातील जनावरांप्रमाणे भाजपाकडून आमदारांची खरेदी'
राज्यसभेचे खासदार दिग्विजय सिंह यांनी माध्यमांशी बोलताना भाजपावर घोडेबाजार केल्याचा आरोप केला. मंड्यांमध्ये जनावरे विकली जातात. त्याच प्रकारे भाजपा सरकार फार्महाऊस व हॉटेलमध्ये आमदार खरेदी करत आहे, असे खासदार दिग्विजय सिंह म्हणाले.
दिग्विजय सिंह
मध्य प्रदेशचे माजी मुख्यमंत्री आणि राज्यसभेचे खासदार दिग्विजय सिंह आज छत्तीसगडच्या दौऱ्यावर आहेत. दिग्विजय सिंह प्रथम गडावर गेले. तेथून त्यांनी पदमनाभपुरमधील मोतीलाल व्होरा यांच्या निवास्थानी भेट दिली. यावेळी त्यांनी व्होरा यांच्या प्रतिमेस पुष्पहार अर्पण करुन श्रद्धांजली वाहिली.
दिग्विजय सिंह यांची भाजपावर टीका
मोतीलाल व्होरा यांचे व्यक्तीमत्त्व अनोखे होते. त्याप्रमाणे दुसरे कोणी मला आढळले नाही. प्रत्येकाला ते आत्मीयतेने भेटायचे. मोठी पदे भूषवल्यानंतरसुद्धा त्याला थोडासा अभिमानही नव्हता. प्रत्येक व्यक्ती, कामगारांना ते दयाळूपणे भेटत. हा त्यांच्या विशाल व्यक्तिमत्त्वाचा एक भाग होता, असे दिग्विजय सिंह म्हणाले.