rahul gandhi defamation case : बदनामीसंदर्भातील राहुल गांधींविरोधातील खटल्याची उद्या गुजरात हायकोर्टात सुनावणी, एका न्यायमूर्तींनी दिला सुनावणीस नकार

राहुल गांधी यांच्या खटल्याची सुनावणी करण्यास एका न्यायमूर्तींनी नकार दिल्याने आता या प्रकरणाची सुनावणी दुसऱ्या न्यायमूर्तींसमोर होणार आहे. त्यामुळे आजची सुनावणी उद्यावर ढकलण्यात आली आहे. उद्या हायकोर्टात न्यायमूर्ती हेमंत प्रचारक यांच्यापुढे होईल.

अहमदाबाद - गुजरात हायकोर्टात राहुल गांधींच्या मानहानीच्या खटल्याची उद्या म्हणजेच २९ एप्रिल रोजी सुनावणी होणार आहे. सुरत सत्र न्यायालयाने राहुल गांधी यांचा अर्ज फेटाळल्यानंतर त्यांनी या सुरत न्यायालयाच्या आदेशाला गुजरात उच्च न्यायालयात आव्हान दिले. काँग्रेस नेते राहुल गांधी यांनी त्यांच्याविरुद्ध सुरू असलेल्या मानहानीच्या खटल्यातील त्यांच्या शिक्षेला स्थगिती देण्याची विनंती करणारी त्यांची याचिका सुरत सत्र न्यायालयाने फेटाळल्यानंतर त्यांनी गुजरात उच्च न्यायालयात धाव घेतली आहे. गुजरात हायकोर्टात उद्या या प्रकरणी सुनावणी होणार आहे.

राहुल गांधी बदनामी प्रकरणाची सुनावणी : सुरतच्या सत्र न्यायालयाने दिलेल्या निकालाविरोधात राहुल गांधी यांनी गुजरात उच्च न्यायालयात पुनर्विचार याचिका दाखल केली आहे. ही याचिका प्रथम गुजरात उच्च न्यायालयाच्या न्यायमूर्ती गीता गोपी यांच्यासमोर आणण्यात आली होती. परंतु गीता गोपी यांनी माझ्यासमोर हा खटला नको असे म्हटले आहे. त्यामुळे आता न्यायमूर्ती हेमंत प्रचारक या प्रकरणाची सुनावणी करणार आहेत. 29 एप्रिल रोजी ही सुनावणी होणार आहे. 23 मार्च रोजी, सुरत न्यायालयाने 2019 मध्ये राहुल गांधींनी मोदी आडनावाबाबत केलेल्या टिप्पण्यांबाबत निर्णय दिला होता. न्यायालयाने त्यांना कलम ५०४ अन्वये दोन वर्षांची शिक्षा सुनावली.

मात्र, त्याची अंमलबजावणी करण्यासाठी न्यायालयाने काही दिवसांची मुदत दिली होती. यासोबतच त्यांना तात्काळ जामीनही मंजूर करण्यात आला. या आदेशाला काँग्रेस नेते राहुल गांधी यांनी सुरत सत्र न्यायालयात आव्हान दिले आणि शिक्षेला स्थगिती देण्यासाठी याचिका दाखल केली. न्यायालयाने त्यांना जामीन मंजूर करताना 20 एप्रिल रोजी दोषी ठरवण्यास नकार दिला. राहुल यांनी सुरत न्यायालयातही याचिका दाखल केली होती. त्यातील एक याचिका न्यायालयाने फेटाळली असून दुसरी सुनावणी ३ मे रोजी होणार आहे.

2019 च्या लोकसभा निवडणुकीदरम्यान कर्नाटकातील कोलार येथे एका सभेत राहुल गांधी म्हणाले, 'सर्व चोरांचे आडनाव मोदी कसे?' याप्रकरणी भाजपचे आमदार आणि गुजरातचे माजी मंत्री पूर्णेश मोदी यांनी राहुल गांधी यांच्यावर मानहानीचा दावा दाखल केला. आपल्या तक्रारीत भाजप आमदाराने आरोप केला आहे की, राहुल यांनी 2019 मध्ये निवडणूक रॅलीला संबोधित करताना सर्व चोरांना मोदी हे आडनाव का आहे असे सांगून संपूर्ण मोदी समुदायाची बदनामी केली.