बेंगळुरू: केंद्रीय गृहमंत्री अमित शहा यांनी कर्नाटकातील चामराजनगर जिल्ह्यातील गुंडलुपेट येथे रोड शो केला. यावेळी त्यांनी सर्व मतदारांना भाजपच्या बाजूने मतदान करण्याचे आवाहन केले. रोड शोपूर्वी अमित शाह यांनी कर्नाटकातील म्हैसूर येथील श्री चामुंडेश्वरी मंदिरात प्रार्थना केली. रोड शोनंतर गृहमंत्री सकलेशपूरला जाणार असून, तेथे ते कार्यकर्त्यांचे मनोबल वाढवण्यासाठी दुपारी ३ ते ४ या वेळेत दुसरा रोड शो करणार आहेत. म्हैसूरला परत आल्यानंतर संध्याकाळी ते एका विशेष विमानाने उत्तर कर्नाटकातील हुब्बलीला रवाना होतील. तेथे ते एका आलिशान हॉटेलमध्ये पक्षाच्या नेत्यांसोबत निवडणूक कार्यकारिणीच्या बैठकीला उपस्थित राहणार असून तिथे मुक्कामी असणार आहेत.
तरुणांशी संवाद साधला : भाजप अध्यक्ष जेपी नड्डा दुपारी एका विशेष विमानाने बेंगळुरूला पोहोचले आणि तेथून ते हेलिकॉप्टरने चिक्कबल्लापूर जिल्ह्यातील शिडलघट्टा येथे गेले. नड्डा दुपारी 2.30 ते 3.30 या वेळेत शिडलघट्टा येथे एक तास रोड शो केला. त्यानंतर दुपारी 4.30 ते 5.30 या वेळेत बेंगळुरू ग्रामीण जिल्ह्यातील दुसर्‍या रोड शोमध्ये सहभागी होण्यासाठी ते होस्कोटेकडे गेले होते. आजच कर्नाटक दौऱ्याच्या दुसऱ्या दिवशी काँग्रेस नेते राहुल गांधींनी ऊस उत्पादक शेतकरी आणि तरुणांशी संवाद साधला. त्यानंतर जाहीर सभेला संबोधित केले. तसेच, ते युवा संवाद'मध्ये सहभागी झाले. गांधी यांनी संध्याकाळी हावेरी जिल्ह्यातील हंगल येथे जाहीर सभेला संबोधित करतील. मुख्यमंत्री बसवराज बोम्मई हे हनगल शेजारील शिगगाव मतदारसंघातून निवडणूक लढवत आहेत.