Russia Ukraine War 58Th Day : युक्रेनमधील मारियुपोल शहरावर वजय मिळवल्याचा पुतीन यांचा दावा

रशियाचे राष्ट्राध्यक्ष व्लादिमीर पुतिन यांनी युक्रेनचे मारियुपोल शहर जिंकल्याचा दावा केला आहे. तसेच अमेरिकेच्या निर्बंधांमुळे संतप्त झालेल्या पुतिन यांनी कमला हॅरिस, मार्क झुकेरबर्ग यांना रशियात येण्यास बंदी घातली आहे. ( Russia Ukraine War 58Th Day ) युक्रेन 57 दिवसांपासून युद्धाच्या आगीत जळत असताना दुसरीकडे, बिडेन यांनी युक्रेनसाठी $800 दशलक्षची नवीन लष्करी मदत जाहीर केली आहे.

कीव : रशियन आक्रमणामुळे युक्रेन संपूर्ण विनाश आणि विनाशाच्या मार्गावर आहे. जागतिक शक्ती युद्ध थांबवण्याच्या प्रयत्नात गुंतल्या आहेत. मात्र, अद्यापपर्यंत यश मिळालेले नाही. इकडे रशियाचे राष्ट्राध्यक्ष व्लादिमीर पुतिन यांनी युक्रेनचे मारियुपोल शहर जिंकल्याचा दावा केला आहे. जरी त्यांनी आपल्या सैनिकांना मोठ्या स्टील प्लांटवर हल्ला न करण्याच्या सूचना दिल्या असल्या तरी प्लांटला घेरण्याचे निर्देश दिले आहेत.

आत्मसमर्पण करण्यास सांगितले - युक्रेनवर आक्रमण केल्याच्या सुरुवातीच्या दिवसांपासून रशियन सैन्याने आग्नेय बंदर शहरावर बॉम्बफेक करून त्याचे अवशेष बनवले आहे. उच्च स्तरिय अधिकार्‍यांनी सातत्याने दावा केला की हे शहर रशियन सैन्याने ताब्यात घेतले आहे. परंतु, युक्रेनियन सैन्याने ते राखण्यासाठी कठोर संघर्ष केला. ( Russia Ukraine War ) रशियन अंदाजानुसार, अलीकडच्या काही दिवसांत भव्य स्टील प्लांटमधील बोगदे आणि बंकरमध्ये हजारो रक्षक लपून बसले होते. रशियन सैन्याने त्याला आत्मसमर्पण करण्यास सांगितले आहे.

अजोव्स्टल काबीज करू शकत नाही - पुतीन यांनी मारियुपोल मुक्त करण्याची मोहीम यशस्वी झाली म्हणत सैन्याचे अभिनंदन केले आहे. त दुसरीकडे युक्रेनने मारियुपोल जिंकण्याच्या रशियाच्या दाव्याची खिल्ली उडवली आहे. युक्रेनियन अध्यक्ष वोलोडिमिर झेलेन्स्की यांचे सल्लागार ओलेक्सी एरेस्टोविच म्हणाले की, परिस्थितीचा अर्थ असा आहे की रशिया अजोव्स्टल काबीज करू शकत नाहीत आणि ते त्यांना समजले आहे. म्हणून ते असा दावा करत आहेत.

संपादक इत्यादींनाही प्रवेश करण्यास मनाई - रशियाच्या परराष्ट्र मंत्रालयाने जाहीर केले आहे, की त्यांनी अमेरिकेच्या उपाध्यक्ष कमला हॅरिस, मेटा सीईओ मार्क झुकरबर्ग आणि इतर 27 प्रतिष्ठित अमेरिकन लोकांना त्यांच्या देशात प्रवेश करण्यास मनाई केली आहे. मंत्रालयाने आपल्या वेबसाइटवर दिलेल्या निवेदनात म्हटले आहे की अमेरिकेच्या जो बायडेन प्रशासनाने रशियाविरोधी निर्बंध वाढवल्याच्या प्रतिक्रिया म्हणून हे पाऊल उचलले आहे. कमला हॅरिस आणि झुकरबर्ग यांच्या व्यतिरिक्त, लिंक्डइन आणि बँक ऑफ अमेरिकाचे सीईओ, रशिया-केंद्रित मेडुझा न्यूज वेबसाइटचे संपादक इत्यादींना देखील रशियामध्ये प्रवेश करण्यास मनाई आहे.

144,000 काडतुसे आणि ड्रोनचा समावेश - अमेरिकेचे अध्यक्ष जो बायडेन यांनी गुरुवारी रशियाविरुद्ध संरक्षणासाठी युक्रेनला 800 दशलक्ष डॉलरची अतिरिक्त लष्करी मदत जाहीर केली. काँग्रेसलाही अतिरिक्त मदत मंजूर करावी लागेल, असेही बायडेन म्हणाले आहेत. नवीन लष्करी मदत पॅकेजमध्ये युक्रेनच्या डोनबास प्रदेशासाठी वाढलेल्या युद्धात युक्रेनियन सैन्याला या प्रदेशाचे रक्षण करण्यास मदत करण्यासाठी शस्त्रे, 144,000 काडतुसे आणि ड्रोनचा समावेश आहे.

हेही वाचा -Prashant Kishor : प्रशांत किशोर काँग्रेसमध्ये? आज हायकमांडशी महत्त्वाची चर्चा