कोरोनामुळे पतीच्या निधनानंतर गर्भवती पत्नीची आत्महत्या

कोरोना रुग्णांच्या मृत्यूनंतर संबंधित रुग्णांच्या संपूर्ण कुटुंबावर दु:खाचा डोंगर कोसळत आहे. पतीचा कोरोनाने मृत्यू झाल्यानंतर गर्भवती असलेल्या पत्नीने गळफास घेत आत्महत्या केली आहे. ही घटना कर्नाटकाच्या बसवेश्वर नगरमध्ये ही घटना घडली आहे.

बंगळुरू - देशात कोरोनाचा कहर असून रुग्ण संख्या झपाट्याने वाढत आहेत. अनेकांचा कोरोनामुळे बळी गेला आहे. कोरोना रुग्णांच्या मृत्यूनंतर संबंधित रुग्णांच्या संपूर्ण कुटुंबावर दु:खाचा डोंगर कोसळत आहे. पतीचा कोरोनाने मृत्यू झाल्यानंतर गर्भवती असलेल्या पत्नीने गळफास घेत आत्महत्या केली आहे. ही घटना कर्नाटकाच्या बसवेश्वर नगरमध्ये ही घटना घडली आहे. नंदिनी असे मृत महिलेचे नाव आहे.

नंदिनीचे दोन वर्षांपूर्वी म्हैसूर येथील व्यावसायिक सतीशशी लग्न झाले होते. पतीच्या निधनानंतर नंदिनीला मानसिक धक्का बसला होता. तीची आई आणि लहान बहिण तीचा सांभाळ करत होती.

देशातील कोरोना रुग्णांची आकडेवारी -

कोरोनाची दुसरी लाटेचा प्रादुर्भाव हळूहळू कमी होत आहे. आज भारतात कोरोनाच्या 2,57,299 नवीन रुग्णांची नोंद झाली आहे. त्यानंतर देशातील एकूण पॉझिटिव्ह रुग्णांची संख्या 2,62,89,290 एवढी आहे. देशात गेल्या २४ तासांत 4,194 नवीन मृत्यू झाले असून, आतापर्यंत मृतांची संख्या 2,95,525 वर गेली आहे. 3,57,630 रुग्ण बरे होऊन घरी परतले आहेत. एकूण 2,30,70,365 नागरिकांना डिस्चार्ज मिळाला आहे. देशातील सक्रीय कोरोना रुग्णांची संख्या 29,23,400 आहे.