Rajnath Singh On PoK : पाकव्याप्त काश्मीर भारताचाच, संरक्षणमंत्री राजनाथ सिंह यांची स्पष्टोक्ती

पाकव्याप्त काश्मीर ( POK ) हा भारताचा होता, आहे आणि कायम राहणार आहे. त्यासाठी संसदेत ठराव मंजूर करण्यात आला आहे, असे संरक्षणमंत्री राजनाथ सिंह ( Rajnath Singh On POK ) यांनी म्हटले आहे. 'कारगिल विजय दिवस' साजरा करण्यासाठी झालेल्या कार्यक्रमात त्यांनी पाकव्याप्त काश्मीर भारताचा भाग असल्याचे स्पष्ट केले.

जम्मू -राज्यातील कलम 370 रद्द करण्याबाबत बोलताना राजनाथ सिंह म्हणाले की, या निर्णयामुळे जम्मू-काश्मीरमधील लोकांच्या आकांक्षांना आशेची नवी पहाट मिळाली आहे. संरक्षण मंत्री म्हणाले, "भारत एक मजबूत आणि आत्मविश्वासपूर्ण राष्ट्र बनला आहे जो वाईट नजर टाकण्याचा प्रयत्न करणाऱ्यांपासून आपल्या लोकांचे संरक्षण करण्यासाठी सुसज्ज आहे." याच कार्यक्रमात त्यांनी पाकव्याप्त काश्मीर ( POK ) भारताचा भूभाग असल्याचे पुन्हा एकदा स्पष्ट केले.

देवाने पाकला सद्बुद्धी द्यावी - "पीओके हा भारताचा भाग आहे. ( Rajnath Singh On POK ) या संदर्भात संसदेत एकमताने ठरावही मंजूर करण्यात आला आहे. असे कसे होऊ शकते की, बाबा अमरनाथ शिवाच्या रूपात (भारतात) आमच्यासोबत आहेत, पण शारदाजींचे निवासस्थान आहे, शक्ती स्वरूप, नियंत्रण रेषेच्या पलीकडे राहते?", असा प्रश्नही राजनाथ सिंह यांनी उपस्थित केला आहे. या विषयावर पाकिस्तान सातत्याने वाद उकरून काढत आला आहे. यावर मी इतकेच म्हणेन की, देवाने त्यांना सद्बुद्धी द्यावी.

पंतप्रधान नरेंद्र मोदीयांच्या नेतृत्वाखालील सरकारचे एकमेव उद्दिष्ट राष्ट्राच्या हिताचे रक्षण करणे हे आहे आणि स्वदेशी राज्य प्रदान करणारी आत्मनिर्भर संरक्षण परिसंस्था विकसित करण्यासाठी त्यांनी अनेक पावले उचलली आहेत, असे प्रतिपादन त्यांनी केले. भविष्यातील सर्व प्रकारची युद्धे लढण्यासाठी सशस्त्र दलांना प्रशिक्षित केले जाईल, त्यांना शस्त्रे, उपकरणे उपलब्ध करून दिली जातील, असेही त्यांनी यावेळी स्पष्ट केले.

हेही वाचा -Arpita Mukherjee Car Accident : अर्पिता मुखर्जींच्या ताफ्याला कारची धडक, अपघातात किरकोळ जखमी