Pm Modi On Gurjar Community : पंतप्रधानांनी गुर्जर सामाजाच्या भावनेलाच घातला हात

पंतप्रधान नरेंद्र मोदी यांनी शनिवारी भगवान देव नारायण यांची 1111 व्या जयंतीच्या निमित्ताने भिलवाडा येथील मालसेरी डोंगरी येथे भेट दिली. यावेळी पंतप्रधान नरेंद्र मोदी यांनी भगवान देवनारायण यांचा जन्म कमळावर झाला आणि भाजपची उत्पतीही कमळावर झाली. त्यामुळे तुमचे आणि आमचे ऋणानुबंध खूप घट्ट असल्याचे सांगत गुर्जर समाजाच्या भावनेलाच हात घातला.

भिलवाडा - पंतप्रधान नरेंद्र मोदी यांनी आज राजस्थानातील भिलवाडा येथील मालसेरी डोंगरी येथे भेट दिली. यावेळी त्यांनी जाहीर सभेला संबोधित करताना भगवान देवनारायण आणि जनतेचे दर्शन घेऊन मी धन्य झालो. भगवान देवनारायणांचे बोलावणे आले आणि मी आलो नाही, असे होणार नाही. त्यामुळे तात्काळ येथे आलो. देवाकडे मी देश आणि जनतेच्या समृद्धीची कामना करण्यासाठी आल्याचेही पंतप्रधान नरेंद्र मोदी यांनी यावेळी स्पष्ट केले. त्यासह त्यांनी यावेळी जुर्जर समाजाने अभिनंदन केले. समाजातील प्रत्येक व्यक्तींचे विकासात योगदान असल्याचे सांगत पंतप्रधान मोदींनी गुर्जर समाजाचे तोंड भरुन कौतुक केले.

कूप्रथा दूर केली :भगवान देवनारायण यांनी केवळ 31 व्या वर्षी अमर झाले हे केवळ एका अवतार पुरुषालाच शक्य असल्याचे त्यांनी यावेळी सांगितले. भगवान देवनारायण यांनी समाजातील कुप्रथा दूर केल्या. यामुळेच समाजात त्यांचे स्थान कुटुंब प्रमुख म्हणून असल्याचेही पंतप्रधान नरेंद्र मोदी यांनी यावेळी स्पष्ट केले. त्यामुळेच नागरिक त्यांचे सुख-दु:ख भगवान देवनारायण यांच्यापुढे कथन करतात. त्यामुळे भगवान देवनारायण यांनी आपली शक्ती लोककल्याणासाठी वापरली असे पंतप्रधान मोदी यांनी यावेळी सांगितले.

वैचारिकदृष्ट्या तोडण्याचे प्रयत्न :भारताला भौगोलिक, सांस्कृतिक, सामाजिक आणि वैचारिकदृष्ट्या तोडण्याचे अनेक प्रयत्न झाले. मात्र कोणतीही शक्ती भारताला नष्ट करू शकली नसल्याचे पंतप्रधान नरेंद्र मोदी यांनी यावेळी सांगितले. भारत ही केवळ एक भूमी नाही, तर ती आपली सभ्यता, संस्कृती, सौहार्द आणि क्षमता यांची अभिव्यक्ती आहे. काळाच्या बदलांसोबत स्वतःला साचेबद्ध करू न शकलेल्या जगातील बर्‍याच संस्कृती काळाबरोबर संपुष्टात आल्याचेही त्यांनी यावेळी स्पष्ट केले.

विकासाच्या मार्गावर वाटचाल :गेल्या 8-9 वर्षांपासून उपेक्षित आणि वंचित असलेल्या समाजातील प्रत्येक घटकाला सक्षम करण्याचा देश प्रयत्न करत आहे. भगवान देवनारायण यांनी दाखवलेला मार्ग सर्वांच्या सहकार्याने सर्वांच्या विकासाचा आहे. आज देश याच मार्गावर वाटचाल करत असल्याचेही पंतप्रधान नरेंद्र मोदी यावेळी म्हणाले.

गुलामगिरीची मानसिकता :गेल्या वर्षी स्वातंत्र्यदिनाच्या निमित्ताने मी लाल किल्ल्यावर पंच प्राणांवर चालण्याचे आवाहन केले होते. आपण सर्वांनी आपल्या वारशाचा अभिमान बाळगावा, गुलामगिरीच्या मानसिकतेतून बाहेर पडावे आणि देशाप्रती असलेले आपले कर्तव्य लक्षात ठेवावे, हा यामागचा उद्देश असल्याचेही पंतप्रधान नरेंद्र मोदी यांनी यावेळी सांगितले. आजचा भारत, हा नवा भारत असून गेल्या दशकांमध्ये झालेल्या चुका सुधारत आहे. ज्यांचे भारताच्या जडणघडणीत योगदान आहे, त्यांना समोर आणले जात आहे. त्यामुळे संपूर्ण जग भारताकडे मोठ्या अपेक्षेने पाहत असल्याचेही पंतप्रधानांनी यावेळी सांगितले.

भाजपचा जन्मही कमळावर :तुमचे आणि माझे खूप घट्ट नाते असल्याचे यावेळी पंतप्रधान नरेंद्र मोदी यांनी उपस्थित नागरिकांना केले. भगवान देवनारायण कमळावर जन्मले आहेत आणि भाजपचा जन्मही कमळावर झाल्याचेही त्यांनी यावेळी सांगितले. भगवान देवनारायण यांच्या जन्माचे 1111 वे वर्ष असून भारताला G-20 चे अध्यक्षपद मिळाले आहे, हा योगायोग आहे. G-20 च्या लोगोमध्ये जग कमळावर विराजमान झाल्याचेही पंतप्रधान मोदींनी यावेळी सांगितले.

राजस्थान परोपकाराची भूमी :राजस्थान ही समृद्ध वारशाची भूमी आहे. सृजन आहे, उत्साह आहे आणि उत्सव आहे, परिश्रम आणि दान असल्याचे त्यांनी यावेळी सांगितले. शौर्य हा येथील घराघरातील संस्कार आहे. रग आणि राग हे राजस्थानचे समानार्थी शब्द आहेत. येथील लोकांचा संघर्ष आणि संयमही तितकाच महत्त्वाचा आहे. यावेळी त्यांनी राजस्थानच्या जनतेचे कौतुक केले. क्रांतिवीर भूपसिंग गुर्जर, यांना विजयसिंह पथिक म्हणूनही ओळखले जाते. त्यांच्या नेतृत्वाखाली बिजोलियाची शेतकरी चळवळ स्वातंत्र्यलढ्यातील एक प्रमुख प्रेरणा होती असेही त्यांनी यावेळी सांगितले.

हेही वाचा - Mughal Garden Renamed : राष्ट्रपती भवनातील मुघल गार्डनचे नाव बदलले.. आता अमृत उद्यान दिले नाव