सांबा ( जम्मू काश्मीर ) : पंतप्रधान नरेंद्र मोदी यांनी जम्मू-काश्मीरमधील ( PM Narendra Modi In Jammu And Kashmir ) सांबा येथे जनतेला संबोधित केले. पंचायती राज दिनी ( Panchanyat Raj Day ) संबोधित करताना पंतप्रधानांनी केंद्राने राज्यात सुरू केलेल्या प्रकल्पांबद्दल तपशीलवार माहिती दिली. केंद्राच्या योजनांमुळे राज्यात ऐतिहासिक बदल होत आहेत. नवी विकासगाथा लिहिली जात आहे. यावेळी त्यांनी काँग्रेसवर निशाणा साधला. पंतप्रधान म्हणाले की, पूर्वी दिल्लीतून फायली यायला खूप वेळ लागायचा, पण आता तसे नाही, असेही ते म्हणाले.
यावेळी दिल्ली-अमृतसर-कटरा एक्सप्रेसवेच्या तीन रस्त्यांची घोषणा त्यांनी यावेळी केली. ज्यासाठी 7,500 कोटी रुपयांपेक्षा जास्त खर्च येणार आहे. इतर प्रकल्पांपैकी मोदी रतले आणि क्वार जलविद्युत प्रकल्पांची पायाभरणी करतील. रतले जलविद्युत प्रकल्प हा किश्तवाडमधील चिनाब नदीवर सुमारे 5,300 कोटी रुपये खर्चाचा 850 मेगावॅटचा युनिट आहे. तसेच यावेळी त्यांनी याच नदीवर 4,500 कोटी रुपयांपेक्षा जास्त खर्च करून बांधल्या जाणाऱ्या 540 मेगावॅट क्वार जलविद्युत प्रकल्पाचे भूमिपुजनही त्यांनी केले.