नवी दिल्ली : प्रधानमंत्री नरेंद्र मोदी टोकियो पॅरा ऑलिंपिक (Tokyo Paralympics 2020) खेळात जपानला गेलेल्या भारतीय खेळाडूंशी मंगळवारी व्हीडीयो कॉन्फरन्सद्वारे संवाद साधतील. टोकियो पॅरा ऑलिंपिक (Tokyo Paralympics 2020) 24 ऑगस्ट ते पाच सप्टेंबर या कालावधीत आयोजित होतील.
पंतप्रधान कार्यालयाच्या मते, 54 पॅराअॅथलीट टोकियोमध्ये नऊ वेगवेगळ्या खेळांमध्ये भारताचे प्रतिनिधित्व करतील. पीएमओने रविवारी जारी केलेल्या निवेदनानुसार, पंतप्रधान मोदी मंगळवारी (17 ऑगस्ट) सकाळी 11 वाजता टोकियो पॅरा ऑलिम्पिक गेम्स 2020 मध्ये सहभागी होणाऱ्या खेळाडूंशी व्हिडिओ कॉन्फरन्सिंगद्वारे संवाद साधला. त्यात म्हटले आहे की पॅरा ऑलिम्पिक स्पर्धेत भाग घेणारा हा भारतातील सर्वात मोठा संघ आहे. या संभाषणादरम्यान केंद्रीय क्रीडा मंत्री अनुराग ठाकूरही उपस्थित राहतील
स्वातंत्र्यदिनी घेतली भारतीय ऑलिम्पिक संघाची भेट
स्वातंत्र्यदिनी लाल किल्ल्याच्या तटबंदीवरून टोकियो ऑलिम्पिकमध्ये भारतीय खेळाडूंच्या प्रभावी कामगिरीचे कौतुक केले. पंतप्रधान नरेंद्र मोदींनी सोमवारी त्यांच्या निवासस्थानी नाश्त्यासाठी बोलावले होते. भारतीय खेळाडूंनी टोकियो ऑलिम्पिकमध्ये एका सुवर्णसह सात पदके जिंकली. नीरज चोप्राने भालाफेकमध्ये सुवर्ण पदक जिंकले. नाश्त्यादरम्यान मोदींनी चोप्रा आणि पीव्ही सिंधू यांच्याशी संवाद साधला. दोन ऑलिम्पिक पदके जिंकणारी सिंधू दुसरी भारतीय आणि पहिली महिला खेळाडू आहे. तिने रिओ ऑलिम्पिक 2016 मध्ये जिंकलेले रौप्य पदकही जिंकले होते.
पंतप्रधानांनी 41 वर्षांनंतर ऑलिम्पिकमध्ये भारताला हॉकी पदक मिळवून देणाऱ्या पुरुष हॉकी संघाशीही संवाद साधला. संघाने सर्व खेळाडूंनी स्वाक्षरी केलेले हॉकी स्टिक्स पंतप्रधानांना सादर केले. पंतप्रधानांनी कॅप्टन मनप्रीत सिंग यांच्याशीही चर्चा केली.
यंदा पॅराऑलिंपिकही प्रेक्षकांविनाच
पॅरालिम्पिक गेम्सच्या आधी, टोकियोमध्ये कोरोना रुग्णांची संख्या वाढली आहे. आणि खेळाडूंनाही संसर्ग होण्याचा धोका आहे. त्यामुळे कोरोना विषाणूच्या साथीमुळे ऑलिम्पिकसारख्या पॅरालिम्पिक खेळांमध्ये चाहत्यांना स्टेडियममध्ये येऊ दिले जाणार नाही. ऑलिम्पिक दरम्यान, काही प्रेक्षकांना टोकियोबाहेरील क्रीडा स्पर्धांमध्ये परवानगी होती. परंतु, यावेळी कोणत्याही खेळांसाठी प्रेक्षकांना परवानगी दिली जाणार नाही. काही कार्यक्रमांमध्ये मुलांनी भाग घेणे अपेक्षित आहे. हा निर्णय आंतरराष्ट्रीय पॅराऑलिपिक समितीचे अध्यक्ष एंड्रयू पार्सन्स, आयोजन समितीचे अध्यक्ष सीको हाशिमोतो, टोक्योचे गव्हर्नर युरिको कोइके आणि ऑलिपिंक मंत्री तामायो मारुकावाच्या बैठकीत घेण्यात आला.
