मोरबी (गुजरात) :पंतप्रधान नरेंद्र मोदी गुजरात आणि राजस्थानच्या तीन दिवसांच्या दौऱ्यावर (Prime Minister Narendra Modi cancel road show) आहेत. त्यांनी मोरबी केबल पूल कोसळल्याच्या पार्श्वभूमीवर आज अहमदाबादमध्ये होणारा रोड शो रद्द करण्याचा निर्णय घेतला आहे. या अपघातात असून त्यात 100 हून अधिक लोकांचा मृत्यू झाला (Morbi cable bridge collapse) आहे.
पेज कमिटी स्नेहमिलन कार्यक्रम :रविवारी संध्याकाळी उशिरा भाजप गुजरात मीडिया सेलने माहिती दिली की, पंतप्रधान मोदींच्या आभासी उपस्थितीत होणारा पेज कमिटी स्नेह मिलन कार्यक्रम पुढे ढकलण्यात आला आहे. भाजपचे गुजरात मीडिया संयोजक, डॉ यज्ञेश दवे यांनी माध्यमांशी बोलताना सांगितले की - मोरबी दुर्घटनेच्या पार्श्वभूमीवर उद्या कोणतेही कार्यक्रम होणार (PM Modi cancels road show page committee meeting) नाहीत.
एनडीआरएफचे बचावकार्य सुरू :सी-295 विमान सुविधेची पायाभरणी करण्यासाठी पंतप्रधानांसह अधिकृत कार्यक्रम आणि 2900 कोटी रुपयांचे रेल्वे प्रकल्प समर्पित करण्याचा कार्यक्रम वेळापत्रकानुसार असेल. या दुर्दैवी घटनेत आतापर्यंत मृतांची संख्या 100 पेक्षा जास्त झाली आहे. राजकोटचे भाजप खासदार मोहनभाई कल्याणजी कुंडारिया यांनी सांगितले की, एनडीआरएफ बचाव कार्य करत आहे. 60 हून अधिक मृतदेह बाहेर काढण्यात आले, त्यापैकी अधिक मुले, महिला आणि वृद्ध आहेत. उर्वरितांची सुटका करण्यात आली आहे. एनडीआरएफचे बचावकार्य सुरू आहे. आम्ही ही घटना अतिशय गांभीर्याने घेत आहोत, हे अतिशय दुःखदायक आहे, असे ते (Morbi tragedy) म्हणाले.
पथके बचावकार्यात :पाणी बाहेर काढण्यासाठी यंत्रसामग्री घटनास्थळी उपस्थित आहे, जेणेकरुन आम्ही खाली मृतदेह शोधू शकतो. कारण तेथे भरपूर गाळ आहे. मला विश्वास आहे की- पुल ओव्हरलोड झाला आणि त्यामुळे ही घटना घडली. अनेक पथके बचावकार्यात गुंतली आहेत. मुख्यमंत्री लवकरच येणार आहेत. असेही ते म्हणाले. घटनास्थळी उपस्थित असलेल्या अमित पटेल आणि सुकराम या प्रत्यक्षदर्शींनी पुलावर मोठी गर्दी असल्याने ही घटना घडली असावी, असे सांगितले. घटनेनंतर लगेचच राज्याचे गृहमंत्री हर्ष संघवी यांनी सांगितले की, राष्ट्रीय आपत्ती प्रतिसाद दलाला घटनास्थळी पोहोचण्याचे निर्देश देण्यात आले आहेत.
पीएमओ ट्विट :पंतप्रधान कार्यालयाने सांगितले की, पीएम मोदींनी परिस्थितीचे बारकाईने निरीक्षण करण्यास आणि बाधित व्यक्तींना शक्य ती सर्व मदत देण्यास सांगितले आहे. PM @narendramodi यांनी गुजरातचे मुख्यमंत्री @Bhupendrapbjp आणि इतर अधिकार्‍यांशी मोरबीमधील दुर्घटनेबद्दल बोलले. बचाव कार्यासाठी त्यांनी तातडीने पथके तयार करण्याची मागणी केली आहे. त्यांनी परिस्थितीवर बारकाईने आणि सतत लक्ष ठेवण्यास सांगितले आहे. आणि बाधित झालेल्यांना शक्य ती सर्व मदत द्यावी, असे पीएमओने ट्विट केले आहे. (road show page committee meeting)
जखमींवर तातडीने उपचार :जखमींवर तातडीने उपचार करण्याच्या सूचना अधिकाऱ्यांना देण्यात आल्याचे मुख्यमंत्री भूपेंद्र पटेल यांनी सांगितले. मोरबी येथील झुलता पूल कोसळण्याच्या दुर्घटनेने मला खूप दु:ख झाले आहे. यंत्रणेकडून मदत आणि बचाव कार्य सुरू आहे. जखमींवर तातडीने उपचाराची व्यवस्था करण्याच्या सूचना यंत्रणेला देण्यात आल्या आहेत. याबाबत मी जिल्हा प्रशासनाच्या सतत संपर्कात असल्याचे मुख्यमंत्र्यांनी सांगितले.
