बंगळुरू : जनतेला जर राज्यात लॉकडाऊन नको असेल, तर कोरोनाच्या नियमांचे काटेकोरपणे पालन करा असा इशारा कर्नाटकच्या मुख्यमंत्र्यांनी दिला आहे. ते डॉलर्स कॉलनीमध्ये माध्यमांशी संवाद साधत होते.
कर्नाटकात सध्या कोरोनाचे रुग्ण दिवसेंदिवस वाढत आहेत. कोरोनाचा प्रसार रोखण्यासाठी नागरिकांनी प्रयत्न करणे गरजेचे आहे. जर राज्यात लॉकडाऊन लागू व्हावा अशी जनतेची इच्छा नसेल, तर लोकांनी कोरोनाच्या नियमांचे पालन करणे आवश्यक आहे. लोकांनी नियमांचे पालन केल्यास लॉकडाऊनशिवायही कोरोनाला आळा घालणे शक्य होईल, असे येदीयुरप्पा यावेळी म्हणाले.