Oscars 2024 : ज्यूड अँथनी जोसेफ दिग्दर्शित '2018-एव्हरीवन इज अ हिरो'चे ऑस्करसाठी नामांकन

ज्युड अँथनी जोसेफ दिग्दर्शित, 2018-एव्हरीवन इज अ हिरो' चित्रपटाला ऑस्कर 2024 साठी नामांकन मिळालंय. हा चित्रपट जोसेफच्या 2018 च्या केरळ पूरस्थितीच्या वैयक्तिक अनुभवावर आधारित आहे. 2018-एव्हरीवन इज अ हिरोचे दिग्दर्शक जोसेफ यांनी ईटीव्ही भारतशी संवाद साधला आहे.

तिरुअनंतपुरम (केरळ) Oscars 2024 : केरळमधील विनाशकारी पुरावर आधारित मल्याळम चित्रपट '2018-एव्हरीवन इज अ हिरो'ची ऑस्कर पुरस्कार 2024 साठी भारताकडून अधिकृत प्रवेशिका म्हणून निवड करण्यात आली आहे. फिल्म फेडरेशन ऑफ इंडियानं (एफएफआय) बुधवारी ही घोषणा केली. प्रसिद्ध चित्रपट निर्माते, निवड समितीचे अध्यक्ष गिरीश कासारवल्ली यांनी पत्रकार परिषदेत सांगितले की, 16 सदस्यीय ज्युरीनं देशाचं प्रतिनिधित्व करण्यासाठी मल्याळम चित्रपटाची एकमतानं निवड केली.

ऑस्करचे स्वप्न पाहतोय : ईटीव्ही भारतशी खास बोलताना चित्रपटाचे दिग्दर्शक जूड अँथनी जोसेफ म्हणाले, '2018- प्रत्येकजण एक हिरो आहे' 2018 च्या पुराबद्दलच्या त्याच्या वैयक्तिक अनुभवातून हा चित्रपट तयार करण्यात आला आहे. चित्रपटला ऑस्करसाठी पुरस्करासाठी नामांकन मिळाणार माझ्या स्वप्नात कधीच नव्हते. आता मी ऑस्करचे स्वप्न पाहत आहे.

चित्रपटाचे मुख्य अभिनेते टोविनो थॉमस म्हणाले की टीमसाठी हा आनंदाचा काळ आहे. ते सध्या सेप्टिमियस अवॉर्ड्ससाठी ॲमस्टरडॅममध्ये आहे. थाॅमस यांना '2018' साठी सर्वोत्कृष्ट आशियाई अभिनेत्याचा पुरस्कार मिळाला आहे. आमचा चित्रपट '2018' ची ऑस्करसाठी भारताची अधिकृत प्रवेशिका म्हणून निवड झाल्याच्या आश्चर्यकारक बातमीने अधिक आनंद झाला. आम्ही कठीण परिस्थितीत खूप मेहनत केली. या चित्रपटाला आता आंतरराष्ट्रीय ख्याती मिळत असल्याचं थाॅमस म्हणाले.

सर्वोत्कृष्ट विदेशी चित्रपटाचा किताब :2018 च्या सर्वोत्कृष्ट आंतरराष्ट्रीय फीचर फिल्म श्रेणीतील ऑस्कर पुरस्कारासाठी हा चित्रपट स्पर्धा करेल. या श्रेणीला यापूर्वी सर्वोत्कृष्ट विदेशी चित्रपटाचा किताब देण्यात आला होता. 2002 मध्ये लगान चित्रपटानंतर ऑस्करमध्ये सर्वोत्कृष्ट आंतरराष्ट्रीय फीचर फिल्मसाठी कोणत्याही भारतीय चित्रपटाला नामांकन मिळालेलं नाही. याआधी, इतर फक्त दोन चित्रपटांनी अंतिम पाचमध्ये स्थान मिळवलं आहे.

सर्वाधिक कमाई करणारा मल्याळम चित्रपट :ज्युड अँथनी जोसेफ दिग्दर्शित या चित्रपटात टोविनो थॉमस, कुंचाको बोबन, आसिफ अली, विनीत श्रीनिवासन, नारायण आणि लाल यांनी महत्त्वाच्या भूमिका केल्या होत्या. 2018 या वर्षी मे मध्ये रिलीज झाला आणि समीक्षकांकडून उत्कृष्ट प्रतिसाद मिळाला. बॉक्स ऑफिसवरही तो हिट ठरला होता. हा आतापर्यंतचा सर्वाधिक कमाई करणारा मल्याळम चित्रपट आहे आणि या वर्षातील भारतीय चित्रपटातील सर्वाधिक कमाई करणारा चित्रपट आहे.

हेही वाचा -