पाटणा :राजधानी पाटणामध्ये ट्रॅक्टरने शेत नांगरताना ५०० आणि १००० च्या नोटा बाहेर पडू लागल्या. यानंतर परिसरात नोटा लुटताना बघ्यांची गर्दी झाली होती. खरंतर हे धक्कादायक प्रकरण पाटणा जिल्ह्यातील पालीगंज उपविभागातील सिंगोडी पोलीस स्टेशन हद्दीतील दिसून आली. पसौदा गावात जमिनीतून नोट बाहेर पडल्याची माहिती मिळताच शेकडो ग्रामस्थ घटनास्थळी पोहोचले. ज्याच्या हातात नोट मिळाली, ती घेऊन ते पळून गेले. याची माहिती मिळताच पोलीस घटनास्थळी पोहोचले, मात्र तोपर्यंत सर्व नोटा घेऊन लोक पळून गेले होते.
बिहारमध्ये शेत नांगरताना जमिनीत सापडल्या जुन्या 1000-500 च्या नोटा "पोलीस ठाण्याच्या हद्दीतील पळसौदा गावात ट्रॅक्टरने शेतात नांगरणी करत असताना ५०० आणि १००० च्या नोटा पडल्याची माहिती मिळाली. त्यानंतर पोलीस घटनास्थळी पोहोचले पण तोपर्यंत सर्व नोटा शेतातून गायब झाल्या होत्या आणि लोक घेऊन पळून गेले होते. लोकांची ओळख पटवली जात असून पैसे कोणाचे आहेत आणि ते कधीपासून जमिनीत पुरले, हे नोटा मिळाल्यानंतरच कळेल.”, असे सिंगोडीचे पोलीस अधिकारी मनोज कुमार यांनी सांगितले.
बिहारमध्ये शेत नांगरताना जमिनीत सापडल्या जुन्या 1000-500 च्या नोटा काय आहे प्रकरण : सिंगोडी पोलीस ठाण्याच्या हद्दीतील पळसौदा गावात राहणारे अजय सिंग यांच्या शेतात ट्रॅक्टरने नांगरणी सुरू होती. यावेळी सरकारने बंद केलेली 500 आणि 1000 रुपयांनी भरलेली पोती ट्रॅक्टरमधील नांगरात अडकली. चालकाने ट्रॅक्टरमध्ये अडकलेली गोणी काढण्याचा प्रयत्न केला असता तेथील दृश्य पाहून तो थक्क झाला. गोणी फुटल्याने ५०० आणि १००० च्या जुन्या नोटा शेतात पसरल्या होत्या. त्यानंतर ट्रॅक्टर चालकाने गावात धाव घेत शेतमालक व ग्रामस्थांना घटनेची माहिती दिली. शेतातून मोठ्या प्रमाणात नोटा बाहेर पडल्याचे समजताच ग्रामस्थांनी शेताकडे धाव घेतली. जमेल तितक्या नोटा घेऊन ते पळून गेले.
पोलीस रिकाम्या हाताने परतले : यादरम्यान कोणीतरी पोलिसांना याबाबत माहिती दिली. माहिती मिळताच पोलीसही घटनास्थळी पोहोचले. मात्र, तोपर्यंत सर्व नोटा लुटून ग्रामस्थ पळून गेले होते. सध्या एवढ्या मोठ्या प्रमाणात जुन्या नोटा कोणी जमिनीत लपवून ठेवल्या होत्या, याचा शोध पोलीस घेत आहेत. लुटलेल्या जुन्या नोटा परत मिळवण्यासाठी पोलिस छापे टाकत आहेत.
