एनआयएचा मानवाधिकार कार्यकर्ते खुर्रम परवेझ यांच्या कार्यालयावर छापा श्रीनगर (जम्मू काश्मि) : राष्ट्रीय तपास संस्थेने (एनआयए) बुधवारी मध्य काश्मीरमधील बडगाम जिल्ह्यातील मानवाधिकार कार्यकर्ते खुर्रम परवेझ यांच्या कार्यालयावर छापा टाकला. खुर्रम परवेझ सध्या तुरुंगात असून, एनजीओ-टेरर फंडिंग प्रकरणी एनआयएने छापे टाकले आहेत. सूत्रांनी दिलेल्या माहितीनुसार, एनआयएच्या पथकाने खुर्रमच्या एनजीओ जम्मू आणि काश्मीर कोलिशन ऑफ सिव्हिल सोसायटीज (जेकेसीसीएस) च्या बडगाममधील दांडुसा येथील कार्यालयाची झडती घेतली. एनजीओ कार्यालयात झडतीदरम्यान एनआयए अधिकाऱ्यांनी काही कागदपत्रेही जप्त केली आहेत.
काश्मिरी पत्रकार इरफान मेहराजला श्रीनगरमधून अटक : विशेष म्हणजे, खुर्रम हे जम्मू आणि काश्मीर कोलिशन ऑफ सिव्हिल सोसायटीज (JKCCS) चे कार्यक्रम समन्वयक आणि फिलिपाइन्स स्थित NGO Asian Federation Against Involuntary Disappearance (AFAD) चे अध्यक्ष आहेत. (दि. 22 मार्च)रोजी खुर्रमला कथित एनजीओ टेरर फंडिंग प्रकरणात अटक करण्यात आली होती. खुर्रम हा या प्रकरणी अटक केलेला दुसरा व्यक्ती आहे. यापूर्वी (दि. २० मार्च)रोजी एनआयएने या प्रकरणी काश्मिरी पत्रकार इरफान मेहराजला श्रीनगरमधून अटक केली होती.
दहशतवादी कारवायांना वित्तपुरवठा करण्यासाठी वापर : इरफान हा परवेझचा जवळचा सहकारी असून, त्याच्या JKCCS संस्थेत काम करत होता. हा गुन्हा (ऑक्टोबर 2020)मध्ये नोंदवण्यात आला होता. हा खटला 'अलिप्ततावादी अजेंडा' चा प्रसार करणे, परदेशातील विविध आंतरराष्ट्रीय संस्थांकडून निधी गोळा करणे आणि काश्मीर खोर्‍यातील दहशतवादी कारवायांना वित्तपुरवठा करण्यासाठी निधी वापरण्याशी संबंधित आहे. एनआयएचा आरोप आहे की खुर्रम परवेझ मानवी हक्कांसाठी लढण्याच्या नावाखाली परदेशातील विविध आंतरराष्ट्रीय संस्था आणि व्यक्तींकडून निधी गोळा करत आहे. तसेच, तो पैसा काश्मीर खोऱ्यातील दहशतवादी कारवायांना वित्तपुरवठा करण्यासाठी वापरत आहे.
जमा केलेला निधी भारत सरकारबद्दल द्वेष पसरवण्यासाठी वापरला : एनआयएकडून सांगण्यात आले की, परवेझ आणि त्याच्या साथीदारांनी सुरक्षा दलाच्या जवानांवर हल्ला करणाऱ्यांना पाठिंबा देण्यासाठी निधी उभारला. इतरांनाही अशाच कामांना पाठिंबा देण्याची प्रेरणा मिळाली आहे. त्यांनी जमा केलेला निधी भारत सरकारबद्दल द्वेष पसरवण्यासाठी, देशात असंतोष निर्माण करण्यासाठी, देशविरोधी आणि प्रक्षोभक साहित्य प्रकाशित करण्यासाठी वापरला गेला आहे असे म्हटले आहे.
हेही वाचा :Wrestlers Protest : चौथ्या दिवशीही कुस्तीपटूंचे आंदोलन सुरूच, रस्त्यावरच केली सुरू तालीम
