बाल हक्क संरक्षण राष्ट्रीय आयोगाकडून पोक्सो कायद्याअंतर्गत ट्विटरवर गुन्हा दाखल

चुकीची माहिती पुरवणे आणि पॉक्सो कायद्याचे उल्लंघन केल्याबद्दल बाल हक्क संरक्षण राष्ट्रीय आयोगाने ट्विटरविरूद्ध तक्रार दाखल केली आहे.

नवी दिल्ली -बाल हक्क संरक्षण राष्ट्रीय आयोगाने ट्विटरविरूद्ध तक्रार दाखल केली आहे. चुकीची माहिती पुरवणे आणि पॉक्सो कायद्याचे उल्लंघन केल्याबद्दल ही तक्रार दाखल केली. दिल्ली पोलिसांनी मायक्रोब्लॉगिंग प्लॅटफॉर्म टि्वटवर एफआयआर नोंदविला.

मायक्रोब्लॉगिंग प्लॅटफॉर्म टि्वटर सुरक्षित नसल्यामुळे मुलांना ते वापरण्याची अनुमती देऊ नये, असे आम्ही केंद्राला लेखी पाठवल्याचे एनसीपीसीआरचे अध्यक्ष प्रियांक कानुंगू यांनी सांगितले. ट्विटरनं पॉक्सो कायद्याच्या नियम 11,15,19 चं उल्लंघन केलं आहे. तसेच आयपीसी कलम 199 चेही उल्लघंन केले आहे.

ट्विटर आणि सरकार यांच्यातील संघर्ष -

सोशल मीडियाच्या नव्या नियमावलीवरून ट्विटर आणि केंद्र सरकार समोरासमोर आले आहे. केंद्राचे कायदे पाळल्याचे ट्विटरने हायकोर्टात सांगितले. केंद्राने टि्वटरचा दावा फेटाळला असून ट्विटरने अ‌ॅक्टचं पालन केलं नसल्याचे म्हटलं. आयटी नियम 2021 लागू केल्याचे टि्वटरने आज दिल्ली उच्च न्यायालयातील सुनावणीदरम्यान म्हटलं.