जमुई/लखीसराय:लखीसराय येथे अटक करण्यात आलेला कट्टर नक्षलवादी मनश्याम दास याने पोलिसांच्या चौकशीदरम्यान अग्निपथ योजनेच्या हिंसाचारात ( Agnipath Scheme Protest ) नक्षलवादी कनेक्शन असल्याचा खुलासा केला आहे. लखीसरायचे एसपी पंकज कुमार यांनी सांगितले की, तेलंगणा स्पेशल इंटेलिजन्स ब्युरोकडून माहिती मिळाल्यानंतर विशेष पथकाने कबैया पोलीस स्टेशन क्षेत्रातील गोसाई टोला येथे छापा टाकला. तेथून पथकाने नक्षलवाद्याला पकडण्यात यश आले. लखीसराय जंक्शन येथे जाळण्यात आलेल्या रेल्वेच्या घटनेत नक्षलवाद्यांचा सहभाग असल्याचे स्पष्ट झाले आहे.
अग्निपथ योजना जाहीर झाल्यावरसंपूर्ण बिहारमध्ये आंदोलने झाली होती. यादरम्यान समाजविघातक प्रवृत्तींनी अनेक रेल्वे पेटवून दिल्या होत्या. लखीसरायमध्ये हिंसाचारासोबतच गाड्याही जाळण्यात आल्या. आता या प्रकरणाचा नवा भाग समोर आला आहे. तेलंगणा स्पेशल आयबीच्या माहितीवरून एएसपी मोहीम मोतीलाल यांच्या नेतृत्वाखाली एसटीएफ, एसएसबी आणि कजरा पोलिसांनी कबैया पोलीस स्टेशन परिसरातील गोसाई टोला येथे छापा टाकला. तेथून कट्टर नक्षलवादी मनश्याम दास उर्फ राहुल उर्फ सुदामा याला अटक करण्यात आली. तो मूळचा बांका जिल्ह्यातील चेदैया गावचा रहिवासी आहे.
एसपी पंकज कुमार म्हणालेकी, अग्निपथ हिंसाचाराच्या वेळी लखीसराय येथे रेल्वे पेटविण्यात आली होती. या घटनेत 7 आरोपींची नावे आहेत. त्यांची प्रमुख भूमिका समोर आली आहे. या प्रकरणी यापूर्वीही काही जणांना अटक करण्यात आली आहे. त्यांच्याशी मनश्याम दास संपर्कात होता. याबाबत पोलिसांकडे पुरावे आहेत. ते म्हणाले की, चौकशीदरम्यान हे स्पष्टपणे समोर आले आहे की, काही पांढरपेशा लोकांच्या मदतीने नक्षलवाद्यांनी ट्रेनमध्ये जाळपोळ केली होती.
