म्हैसूर - कर्नाटकाच्या म्हैसूरमधील सामूहिक बलात्कार प्रकरणातील पीडित तरुणीला रुग्णालयातून डिस्चार्ज दिला असून ती आपल्या घरी मुंबईला परतली आहे. तेथूनच ती पोलिसांना चौकशीसाठी मदत करणार आहे. पोलिसांनी तामिळनाडूमधून पाच संशयितांना अटक केली आहे. आरोपींची ओळख पटवण्यासाठी पोलिसांनी तीला आणि तिच्या मित्राला संशयितांची फोटो व्हॉटसअ‍ॅपवरून पाठवली आहेत.
सूत्रांनी दिलेल्या माहितीनुसार, आरोपींचा गट नियमितपणे म्हैसुरूला येत आणि रस्त्याने जाणाऱ्या लोकांना लुटायचे आणि शहरात चोरी करत. यानंतर ते सत्यमंगलम परत जायचे. चोरी केल्यानंतर परत जात असताना ते ललिताद्रिनगर (उत्तर) परिसरातील टेकडीवर पार्टी करत असत. यावेळी ते परत जात असताना त्यांच्या नजरेस पीडिता आणि तिचा मित्र पडले. यावेळी त्यांना दोघांना धमकावत पैशांची मागणी केली आणि तीच्यावर बलात्कार केला.
शहरातील तीन ठिकाणीदेखील त्यांनी चोरी केली असल्याची माहिती आहे. या चोरांचा इतर अनेक गुन्ह्यात सहभाग असल्याचा पोलिसांनी संशंय आहे. संशयिताना तामिळनाडूमधून म्हैसूर येथे आणण्यात आले आहे. तसेच त्यांची अज्ञात ठिकाणी पोलिसांनी चौकशीदेखील केली असल्याची माहिती आहे. दरम्यान, यासंदर्भात पोलिसांकडून कोणतेही अधिकृत पत्रक जारी करण्यात आले नाही. याप्रकरणी पोलीस विभागाकडून सांयकाळी पत्रकार परिषद घेण्यात येईल, अशी शक्यता आहे.
काय प्रकरण?