President takes Murmu Oath : लोकशाहीच्या सामर्थ्याने मला राष्ट्रपतीपदापर्यंत पोहोचविले - राष्ट्रपती द्रौपदी मुर्मू

द्रौपदी मुर्मू ( Draupadi Murmu ) यांनी आज (सोमवार) देशाच्या १५व्या राष्ट्रपती ( President ) म्हणून शपथ घेतली. द्रौपदी मुर्मू आपल्या भाषणात म्हणाल्या, "मी देशाची पहिली राष्ट्रपती आहे, जिचा जन्म स्वतंत्र भारतात झाला आहे. स्वतंत्र भारतातील नागरिकांसह आपल्या स्वातंत्र्य सैनिकांच्या अपेक्षा पूर्ण करण्यासाठी आपल्याला आपले प्रयत्न वाढवायचे आहेत. आपली लोकशाही अशी आहे की, गरीब घरात जन्मलेली मुलगी, दुर्गम आदिवासी भागात जन्मलेली मुलगी भारताच्या सर्वोच्च घटनात्मक पदापर्यंत पोहोचू शकते. देशाच्या लोकशाहिच्या सामर्थ्यानेच मला राष्ट्रपतीपदापर्यंत पोहोचविले आहे.

नवी दिल्ली : द्रौपदी मुर्मू ( Draupadi Murmu ) यांनी आज (सोमवार) देशाच्या १५व्या राष्ट्रपती ( President ) म्हणून शपथ घेतली. त्या देशातील पहिल्या महिला आदिवासी राष्ट्रपती आहेत. स्वातंत्र्यानंतर जन्मलेल्या आणि राष्ट्रपतीपदावर विराजमान झालेल्या त्या पहिल्या महिला आहेत. भारताचे सरन्यायाधीश एन. व्ही. रमणा यांनी द्रौपदी मुर्मू यांना मंत्रिपदाची शपथ दिली. माजी राष्ट्रपती राम नाथ कोविंद ( Former President Ramnath Kovind ), उपराष्ट्रपती व्यंकय्या नायडू ( Vice President Venkaiah Naidu ), पंतप्रधान नरेंद्र मोदी ( Prime Minister Narendra Modi ) आणि इतर अनेक ज्येष्ठ नेते आणि अनेक मान्यवर यावेळी उपस्थित होते.

स्वतंत्र भारतातील पहिल्या राष्ट्रपती - "मी देशाची पहिली राष्ट्रपती आहे, जिचा जन्म स्वतंत्र भारतात झाला आहे. स्वतंत्र भारतातील नागरिकांसह आपल्या स्वातंत्र्य सैनिकांच्या अपेक्षा पूर्ण करण्यासाठी आपण प्रयत्नांना गती दिली पाहिजे. माझा जन्म ओडिशातील एका आदिवासी गावात झाला. अतिशय दुर्गम भागातील मी असले तरी देशाच्या लोकशाहीची ताकद मला इथपर्यंत घेऊन आली आहे.

अनोखा योगायोग - "आपण आपल्या स्वातंत्र्याचा अमृत महोत्सव साजरा करत आहोत, अशा महत्त्वाच्या काळात देशाने माझी राष्ट्रपती म्हणून निवड केली आहे. आजपासून काही दिवसांनी देशाला स्वातंत्र्य मिळून ७५ वर्षे पूर्ण होणार आहेत. योगायोग असा की, जेव्हा देश स्वातंत्र्याचे ५० वे वर्ष साजरे करत होता, तेव्हा माझ्या राजकीय कारकिर्दीला सुरुवात झाली आणि आज स्वातंत्र्याच्या ७५ व्या वर्षात मला ही नवी जबाबदारी मिळाली आहे, असे द्रौपदी मुर्मू म्हणाल्या.

द्रौपदी मुर्मूयांनी संसदेत सांगितले की, "मी माझा जीवन प्रवास ओडिशातील एका छोट्या आदिवासी गावातून सुरू केला. मी ज्या पार्श्‍वभूमीतून आले आहे, तिथून प्राथमिक शिक्षण घेणे हेही माझे स्वप्न होते. पण अनेक अडथळ्यांनंतरही माझा निश्चय पक्का राहिला. कॉलेजला जाणारी मी माझ्या गावातील पहिली मुलगी होते. गरीब घरात जन्मलेली मुलगी, दुर्गम आदिवासी भागात जन्मलेली मुलगी भारताच्या सर्वोच्च घटनात्मक पदापर्यंत पोहोचू शकते ही आपल्या लोकशाहीची ताकद आहे.

प्रत्येक गरीबाचा सन्मान -"राष्ट्रपतीपदापर्यंत पोहोचणे हा माझी वैयक्तिक सन्मान नाही तर भारतातील प्रत्येक गरीबाचा तो सन्मान आहे. भारतातील गरीब लोक स्वप्न पाहू शकतात आणि ते पूर्ण करू शकतात याचा पुरावा माझी निवड आहे. 26 जुलै हा कारगिल विजय दिवस आहे. हा दिवस भारतीय सैन्याच्या शौर्य आणि संयमाचे प्रतीक आहे. मी सर्व नागरिकांना आणि सैन्याला कारगिल दिनाच्या खूप खूप शुभेच्छा देते."

हेही वाचा -Eknath Shinde Slammed to Udhav Thackeray : राष्ट्रवादीच्या जंजीरमध्ये जे अडकलेत त्यांनी खंजीरची भाषा करू नये : एकनाथ शिंदे