नवी दिल्ली - मी पंतप्रधान मोदींवर नाराज नाही, मी हैराण आहे अशी टीका खासदार सुप्रिया सुळे यांनी ( MP supriya sule attack on PM Narendra Modi ) पंतप्रधानावर केली आहे. सोमवारी संसदेत बोलताना पंतप्रधान यांनी कॉंग्रेसवर टीका केली यावेळी त्यांनी महाराष्ट्राने कोरोना देशभरात पसरवला, याविधानावर त्यांनी आज पंतप्रधानांवर टीका केली आहे.
'महाराष्ट्राला कोविड सुपर स्प्रेडर म्हणणे हे अंत्यत वेदनादायी'
पंतप्रधान नरेंद्र मोदी यांनी काल राष्ट्रपती यांच्या अभिभाषणवर बोलताना कॉंग्रेसवर मोठ्या प्रमाणात टीका केली. यावेळी त्यांनी महाराष्ट्रावर जे पंतप्रधान बोलले ते ऐकुन मला स्वतः वैयक्तिक खूप दुःख झाले. त्यांनी महाराष्ट्राला कोविड सुपर स्प्रेडर असे सांगितले, हे अंत्यत वेदनादायी आहे. 'सारे जहा से अच्छा हिंदुस्था हमारा' म्हणत आपण सगळे एक आहेत तेव्हा पंतप्रधान महाराष्ट्राबद्दल मुंबईबद्दल असे कसे बोलू शकतात, तसेच हे सगळे राष्ट्रवाद निर्माण करण्याचे प्रयत्न करत आहेत. त्यांनी केलेल्या आरोपांना कोणत्याही प्रकारचा वैज्ञानिक आधार नाही तर रेल्वे मंत्रालयानेच श्रमिक रेल्वे चालवल्या होत्या असेही त्या यावेळी म्हणाल्या.