नवी दिल्ली -मातांनी त्यांचे अति-प्रक्रिया केलेल्या अन्न पदार्थांचे सेवन ( ultra processed foods ) मर्यादित केल्यास त्याचा त्यांना आणि त्यांच्या पाल्यांनादेखील फायदा होऊ शकतो, असे संशोधकांचे म्हणणे आहे. निष्कर्षांची पुष्टी करण्यासाठी आणि कारणीभूत घटक समजून घेण्यासाठी आणखी अभ्यास करणे आवश्यक आहे. परंतू झालेल्या अभ्यासातून ते असे सुचवतात की मूल जन्मांच्यानंतर महिलांचे पोषण सुधारण्यासाठी आणि बालकांचा लठ्ठपणा कमी करण्यासाठी आहारविषयक मार्गदर्शक तत्त्वे सुधारली ( New mothers food habit ) पाहिजेत. त्यासाठी सामाजिक अडथळे दूर केले पाहिजेत. असेही संशोधकांनी न्हटले आहे.
39 दशलक्ष मुलांचे वजन जास्त -जागतिक आरोग्य संघटनेच्या मते, 2020 मध्ये 39 दशलक्ष मुलांचे वजन जास्त होते, ज्यामुळे हृदयविकार, मधुमेह, कर्करोग आणि लवकर मृत्यूचा धोका वाढला. अति-प्रक्रिया केलेले पदार्थ, जसे की बंद पाकीटातले खाद्य पदार्थ, भाजलेले पदार्थ आणि स्नॅक्स, फिजी ड्रिंक्स आणि शर्करायुक्त तृणधान्ये, सामान्यतः आधुनिक पाश्चात्य शैलीच्या आहारांमध्ये आढळतात आणि प्रौढांमध्ये वजन वाढण्याशी संबंधित असतात. परंतू आईच्या अति-प्रक्रियायुक्त पदार्थांचे सेवन तिच्या संततीच्या शरीराचे वजन यांच्यात काही संबंध आहे की नाही हे स्पष्ट ( mothers food habit increases babies weight ) नाही.