बिहार : बिहारच्या बगाहामधून मोठी बातमी समोर येत आहे. वाघाने पुन्हा एकदा दोन जणांना लक्ष्य केले आहे. यावेळी वाघाने आई आणि मुलीवर हल्ला ( Tiger Hunted Mother and daughter ) केल्याने दोघींचा मृत्यू झाला. दोन्ही महिला गोवर्धन पोलीस ठाण्याच्या बलुआ गावातील रहिवासी आहेत. ( Tiger Attack In Bagaha ) त्यामुळे आता वाघाच्या हल्ल्यातील मृतांची संख्या आता 9 झाली आहे.
वाघाच्या दहशतीने गावकरी घाबरले :स्थानिकांनी दिलेल्या माहितीनुसार, बलुआ गावातील दिवंगत बहादूर यादव यांची पत्नी सिम्रीकी देवी आणि त्यांची मुलगी बबिता देवी (25) यांना वाघाने शिकार केली आहे. वाघाच्या दहशतीने घाबरलेले ग्रामस्थ संतप्त झाले आहेत. वाघाने सलग दुसऱ्या दिवशी लोकांना आपले भक्ष्य बनवले असून, यानंतर परिसरात भीतीचे वातावरण आहे. गावकरी घराबाहेर पडणे योग्य मानत नाहीत आणि गुरांसाठी चाराही घरी आणत नाहीत, अशी परिस्थिती आहे. जगा आणि जगू द्या, अशी विनंती हे लोक वनविभागाला करत आहेत. बिहार एसटीएफ वाघाला मारण्यासाठी तिथे तैनात आहे. वाघही आपला ठावठिकाणा वेळोवेळी बदलत असतो. ज्यामुळे त्याला पकडणे कठीण झाले होते.