नवी दिल्ली -जंगलातील जीवन सोपे नाही. भूक मिटवण्यासाठी कुणी शिकारीच्या शोधात तर कोणी शिकार होण्यापासून स्व:ताचा बचाव करण्यासाठी येथे दररोज संघर्ष करतो. जंगलातील जीवना-मरणाचा संघर्ष दाखवणारा एक व्हिडिओ सध्या सोशल माध्यामांवर व्हायरल होत आहे. हा व्हिडिओ आयएफएस अधिकारी सुशांत नंदा यांनी टि्वटरवर शेअर केला आहे. या व्हिडिओमध्ये माकड आणि बिबट्या यांच्यात अस्तित्वाची लढाई दिसत आहे. बिबट्याला आपली भूक मिटवण्यासाठी शिकार हवी आहे. तर दुसरीकडे माकड जीव वाचवण्यासाठी शक्य ते सर्व प्रयत्न करत आहे.
वास्तविक बिबट्या हा माकडाला शिकार बनवण्यासाठी झाडावर चढलेला असतो. मात्र, बिबिट्यापासून बचाव करण्यासाठी माकड झाडांच्या उंच फाद्यांवर पोहचते आणि चकवा देते. बिबट्यादेखील चपळाई दाखवून माकडाला पकडण्याचा प्रयत्न करतो. पण माकड अत्यंत हुशारीने आणि शितापीने स्व:ताचा बचाव करतो. माकडा या फांदीवरून त्या फांदीवर उड्या मारत आपला जीव वाचवण्यासाठी अटोकाट प्रयत्न करत असल्याचे व्हिडिओत दिसते.