नवी दिल्ली - पंतप्रधान नरेंद्र मोदी आणि काँग्रेसचे नेते खासदार राहुल यांची नक्कल करणारे राजस्थानचे रहिवासी श्याम रंगीला यानी काल गुरूवारी (दि. 5 मे )रोजी राजस्थानमध्ये आम आदमी पार्टीमध्ये प्रवेश केला. ( Mimicry artist Shyam Rangeela ) निवडणूक प्रभारी विनय मिश्रा यांनी त्यांचे पार्टीत स्वागत केले. रंगीला यांचे पंतप्रधान नरेंद्र मोदी यांच्या मिमिक्रीचे व्हिडिओ मोठ्या प्रमाणात सोशल मीडियावर व्हायरल होतात. तसेच, त्यांच्या मिमिक्रिला मोठी पसंतीही लोकांची आहे.
दोन दिवसांपूर्वी दिल्लीतश्याम रंगीला यांनी आम आदमी पक्षाचे राष्ट्रीय अध्यक्ष अरविंद केजरीवाल यांची भेट घेतली होती. त्यावेळी श्याम रंगीला यांनी दिल्ली सरकारी शाळा आणि मोहल्ला क्लिनिकलाही भेट दिली होती. ( Mimicry Artist Shyam Rangeela Joined AAP ) त्यावेळी तेथील व्यवस्थेचे मोठ्या प्रमाणात कौतुक केले होते. आम आदमी पक्षात सामील झाल्यानंतर रंगीला यांनी ट्विट केले की, राजस्थानलाही 'विकासाचे राजकारण' हवे आहे. आता आम्ही विकासासह आप सोबत आहोत अस ते म्हणाले आहेत.