Militant Killed in Encounter : अवंतीपुरातील चकमकीत दोन अतिरेकी ठार

जम्म-काश्मीरमधील अवंतीपुरा येथे लष्करासोबत झालेल्या चकमकीमध्ये ( Awantipora Encounter ) दोन अतिरेकी ठार ( Two militant killed in encounter ) झाले आहेत. या भागात आणखी काही अतिरेकी लपले असून लष्कराच्या जवानांनी त्यांना घेरले आहे. अतिरेक्यांसोबतची ही चकमक अद्यापही सुरूच आहे.

श्रीनगर -जम्म-काश्मीरमधील अवंतीपुरातील वांदकापोरा येथे काही अतिरेकी लपले असल्याची माहिती मिळाल्यानंतर लष्कराच्या जवानांनी या अतिरेक्यांची घेराबंदी केली आहे. अतिरेक्यांनी अचानक गोळीबार सुरू केला. लष्कराच्या जवानांनी प्रत्यूत्तरात गोळीबार करीत दोन अतिरेक्यांना यमसदनी ( ( Two militant killed in encounter ) पाठविले. ही चकमक अवंतीपुरामध्ये ( Awantipora Encounter ) सुरू आहे. या भागात आणखी काही अतिरेकी लपले असून लष्कराच्या जवानांनी त्यांना घेरले आहे. अवंतीपुरामधील दोन्ही बाजुंनूी गोळीबाराच्या फैरी अद्यापही झडत आहेत.

सीआरपीएफची मोहीम -सीआरपीएफच्या जवानांनी अतिरेक्यांविरोधात शोध मोहीम सुरू केली आहे. या मोहिमेदरम्यान अवंतीपुरातील वांदकापोरा येथे अतिरेकी लपले असल्याची माहिती जवानांना मिळाल्यावर त्यांची घेराबंदी करण्यात आली. या ऑपरेशनमध्ये सीआरपीएफच्या जवानांसोबत जम्मू-काश्मीरचे पोलिसही सहभागी झाले आहेत. आपल्याला जवानांनी घेरल्याचे लक्षात येताच अतिरेक्यांनी या जवानांवर गोळीबार सुरू केला. त्यानंतर सीआरपीएफच्या जवानांनी जोरदार प्रत्यूत्तर देत दोन अतिरेक्यांना ठार केले. या भागात अजून काही अतिरेकी लपून बसले असून चकमक सुरूच आहे.