हल्दवानी (उत्तराखंड): Lehenga broke the wedding: उत्तराखंडच्या हल्दवानी पोलीस ठाण्याच्या हद्दीत नववधूला लेहेंगा आवडला नाही, त्यानंतर नववधूने आईच्या सांगण्यावरून लग्न Refusal to marry over lehenga मोडले. लग्न मोडल्यानंतर मंगळवारी दोन्ही पक्ष हल्दवानी कोतवाली येथे पोहोचले, तिथे दोन्ही बाजूंनी हल्द्वानी लेहेंग्यावरुन जोरदार वाद झाला. एसएसआय विजय मेहता यांनी सांगितले की, पोलीस ठाण्यात दोन्ही पक्षांमध्ये लग्न न करण्याबाबत करार झाला आहे. Controversy over Haldwani lehenga
5 नोव्हेंबरला होणार होतं लग्न : एंगेजमेंटनंतर 5 नोव्हेंबरला लग्न होतं. लग्नपत्रिका छापल्या होत्या. पण लग्नाआधीच लेहेंग्याचे प्रकरण पोलीस ठाण्यात पोहोचले. तेथे झालेला गोंधळ पाहून पोलिसांनी दोघांनाही शांतता भंग केल्याप्रकरणी तुरुंगात पाठवण्याची धमकी दिली. त्यानंतर दोन्ही बाजू शांत झाल्या. प्रदीर्घ गदारोळानंतर पोलिसांच्या मध्यस्थीने सायंकाळी उशिरा तोडगा निघू शकला. शहरातील रहिवासी असलेल्या एका मुलीचे लग्न 5 नोव्हेंबर रोजी अल्मोडा जिल्ह्यातील तरुणासोबत होणार होते. दोघांची जूनमध्ये एंगेजमेंट झाली. दोन्ही कुटुंब लग्नाच्या तयारीत व्यस्त होते. लेहेंगा वराकडूनच बनवायचा असे ठरले.
वधूला नाही आवडला लेहेंगा : वराच्या वडिलांनी लग्नासाठी लखनौहून लेहेंगा मागवला होता. जेव्हा लेहेंगा मुलीच्या घरी पोहोचला तेव्हा तिने सांगितले की, मला तो आवडला नाही. यावरून दोन्ही पक्षांमध्ये वाद वाढू लागला. वाद इतका वाढला की दोन्ही पक्षांनी लग्नाला नकार देण्यास सुरुवात केली. 30 ऑक्टोबर रोजी दोन्ही पक्षांमध्ये लग्न न करण्याच्या मुद्द्यावर समझोता झाला. तरुणाचे वडील आणि नातेवाइकांनी मुलीच्या घरी पोहोचून करार म्हणून एक लाख रुपये दिले, त्याचा व्हिडिओही बनवला.
पोलीस ठाण्यात गोंधळ :मात्र वधूपक्षाच्या लोकांनी पुन्हा लग्नाचे प्रकरण सुरू केले. मंगळवारी दोन्ही बाजू हल्दवानी पोलीस ठाण्यात पोहोचल्या, तिथे दोन्ही बाजूंनी एकमेकांवर गंभीर आरोप करून गोंधळ घातला. हा गोंधळ पाहून पोलिसांनी दोन्ही पक्षांना शांत करण्याचा प्रयत्न केला, त्यानंतर हा वाद काहीसा थांबला. एसएसआय विजय मेहता यांनी सांगितले की, पोलीस ठाण्यात दोन्ही पक्षांमध्ये लग्न न करण्याबाबत करार झाला आहे.
10 हजारांचा होता लेहेंगा : वराच्या वडिलांनी लखनौहून लेहेंगा मागवला होता. लेहेंग्याची किंमत 10,000 रुपये असल्याचे सांगितले जात आहे. खरे तर लखनऊचे लेहेंगा खूप प्रसिद्ध आहेत. पण हल्द्वानीच्या नववधूला लखनौचा लेहेंगा आवडला नाही. लेहेंग्यावरून झालेल्या वादानंतर लग्न होऊ शकले नाही.
