नवी दिल्ली : तृणमूल काँग्रेसच्या खासदार महुआ मोईत्रा यांनी गुरुवारी आरोप केला की, लोकसभा अध्यक्ष ओम बिर्ला केवळ भाजप खासदारांना सभागृहात बोलू देतात आणि नंतर सभागृह तहकूब करतात. ते विरोधी खासदारांना बोलू देत नाहीत. ते ट्विटरवर म्हणाले की, गेल्या ३ दिवसांत स्पीकरने केवळ भाजपच्या मंत्र्यांना माईकवर बोलू दिले आणि त्यानंतर संसद तहकूब केली, एकाही विरोधी सदस्याला बोलू दिले नाही अस थेट मोईत्रा म्हणाल्या आहेत.
गौतम अदानी यांचे नाव संसदेत कोणी उठवेल : लोकशाहीवर हल्ला होत आहे आणि वक्ता त्याचे नेतृत्व करत आहेत. या ट्विटसाठी मी तुरुंगात जाण्यास तयार आहे. तत्पूर्वी, काँग्रेसचे प्रवक्ते पवन खेडा म्हणाले की, भाजप संसदेचे कामकाज सुरळीत चालू देत नाहीत, तिथे अदानीचा मुद्दा उपस्थित करण्याची भीती वाटते. खेडा म्हणाले, काँग्रेस जेव्हा जेव्हा अदानीचा मुद्दा उचलते आणि जेपीसी चौकशीची मागणी करते तेव्हा ते लक्ष विचलित करण्यासाठी संसद चालू देत नाहीत. गौतम अदानी यांचे नाव संसदेत कोणी उठवेल, अशी भीती भाजपला आहे.
काँग्रेसनेही सरकारवर ताशेरे ओढले : अदानी प्रकरणाच्या संयुक्त संसदीय समितीच्या (जेपीसी) चौकशीच्या मागणीसाठी काँग्रेसच्या नेतृत्वाखालील विरोधक संसदेत निषेध करत आहेत. परंतु, सत्ताधारी पक्ष काँग्रेस खासदार राहुल गांधी यांच्या विधानाबद्दल माफी मागण्याची मागणी करत आहे. त्याचवेळी काँग्रेसनेही सरकारवर ताशेरे ओढले. काँग्रेस अध्यक्ष मल्लिकार्जुन खर्गे म्हणाले की, सरकार अदानी प्रकरणाची जेपीसी चौकशी करण्यास टाळाटाळ करत आहे.
संसदेत बोलताना त्यांचे माईक अनेकदा बंद केले जातात : सध्या या मुद्यावरून संसदेत गोंधळ सुरू आहे. ते म्हणाले की, राहुल गांधी कोणत्याही किंमतीत सभागृहात माफी मागणार नाहीत. पंतप्रधान मोदींवर हल्लाबोल करताना काँग्रेस अध्यक्ष म्हणाले की, त्यांनी अनेकदा अशी विधाने केली आहेत, त्यामुळे देशाला लाज वाटली आहे. दरम्यान, राहुल गांधी यांनी केंब्रिज विद्यापीठात भाषण केले होते की, संसदेत बोलताना त्यांचे माईक अनेकदा बंद केले जातात. त्यावरूनही कायम गोंधळ सुरू आहे.
हेही वाचा :CDS Bipin Rawat : भारताचे पहिले संरक्षण दल प्रमुख बिपीन रावत यांच्यामुळे भरायची विरोधी सैन्याच्या उरात धडकी
